Әһли-Бејт
(әлејһимус сәлам) Хәбәр Аҝентлији – АБНА: Иран Хариҹи Ишләр Назирлијинин һүгуг вә
бејнәлхалг мәсәләләр үзрә мүавини сионист режимин Гәззада кимјәви силаһдан истифадә
етмәси мүмкүнлүјүнүн арашдырылмасыны тәләб едиб.
Нојабрын 27-дә Кимјәви Силаһларын Гадаған едилмәси Тәшкилатынын Нидерландын Һаага шәһәриндәки гәрарҝаһында Кимјәви Силаһлара даир Конвенсијаја үзв дөвләтләрин Конфрансынын 28-ҹи иҹласы өз ишинә башлајыб.
Мәлумата ҝөрә, Рза Нәҹәфи тәшкил едилмиш бу конфрансда сионист режимин мәзлум вә мүдафиәсиз Фәләстин халгына гаршы ҹинајәтләрини писләјәрәк, Кимјәви Силаһларын Гадаған едилмәси Тәшкилатындан вә бејнәлхалг гурумлардан, сионист режимин Гәззәдә кимјәви силаһларын, хүсусилә синир-паралитик маддәли силаһларын истифадәси илә бағлы тәһгигат вә арашдырмаларын апарылмасыны тәләб едиб.
Нәҹәфи сојгырым, мүһарибә ҹинајәтләри, инсанлыға гаршы ҹинајәтләр вә Исраил режими тәрәфиндән тәҹавүз ҹинајәти кими дөрд әсас бејнәлхалг ҹинајәтин төрәдилмәсинә сәбәб олан бу хунта режими вә онун һавадарларынын бејнәлхалг мәсулијјәтә ҹәлб едиләрәк әдаләтлә мүһакимә едилмәсинин лазымлығыны вурғулајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!