Әһли-Бејт
(әлејһимус сәлам) Хәбәр Аҝентлији – АБНА: Иранын хариҹи ишләр назири Һүсејн Әмирабдуллаһиан
Исвечрәли һәмкары Игназио Кассис илә телефон данышығында бидириб ки, Гәззәјә вә
Иордан чајынын гәрб саһилинә гаршы һүҹумларын даими дајандырылмасы, һуманитар блокадаја
сон верилмәси вә јардымларын ҝөндәрилмәси бејнәлхалг консенсус әсасындадыр”
Мәлумата ҝөрә, Һүсејн Әмир Абдуллаһиан телефон данышығында БМТ Тәһлүкәсизлик Шурасынын чәршәнбә ҝүнү өлкәләрин хариҹи ишләр назирләри сәвијјәсиндә иҹласынын кечирилмәсини хатыралдараг, Гәззәјә вә Иордан чајынын гәрб саһилинә гаршы һүҹумларын даими дајандырылмасыны билдирмәклә јанашы, һуманитар јардымлара гојулмуш блокаданын ләғвинин, дәрман, гида, јанаҹаг кими әсас еһтијаҹ дујулан мәһсулларын ҝөндәрилмәсинин, Гәззә вә Иордан чајынын гәрб саһили сакинләринин мәҹбури көчүнүн гаршысынын алынмасынын һәлл едилән әсас мәсәләләрдән олдуғуну вә бунун бејнәлхалг консенсус әсасында тәләб едилдијини диггәтә чатдырыб.
Баш вермиш бу телефон данышығында Исвечрәнин Хариҹи Ишләр Назири дә Фәләстиндә вә ишғал олунмуш әразиләрдә мөвҹуд вәзијјәтин нараһатлыг јаратдығыны билдирәрәк, мәһбусларын азад едилмәсини, сивил вәтәндашлара көмәк едилмәсини, һуманитар јардымларын ҝөндәрилмәсини вә мүнагишәләрин ҝенишләнмәсинин гаршысынын алынмасыны ваҹиб олдуғуну дејиб.
Диггәт: Хәбәрдән Истифадә Етдикдә Мәнбәјә Истинад Лазымдыр!