Әһли-Бејт (әлејһимус сәлам) Хәбәр Аҝентлији – АБНА: Үмүмдүнја Мүсәлманларынын Али Рәһбәри бу ҝүн сәһәр минләрлә тәләбәнин иштиракы илә кечирилән иҹласда Американын Иран халгы илә узун мүддәтдир давам едән дүшмәнчилијинин көкләрини арашдырараг Гәззада сионист режиминин вә Американын төрәтдикләри фәлакәтини тарихдә мисли ҝөрүнмәмиш адландырыблар.
“Гәззајә гаршы бомбардманлар дәрһал дајандырылмалы , Исраилә нефт вә әрзаг ихраҹы јоллары мүсәлман өлкәләри тәрәфиндән бағланмалыдыр”- дејә Имам Хаменеи һәзрәтләри билдириб.
Али Баш Командан даһа сонра билдириб: “Мејдан Гәззә вә Исраил мејданы дејил, Һагг вә батил мејданыдыр. Мејдан истикбар вә иман мејданыдыр. Бир тәрәфдә истикбар дајаныб; бомба гүдрәти вә һәрби тәзјиг, бомбардман, фаҹиә вә ҹинајәтлә. О бири тәрәфдә исә иман гүдрәтидир ки, Аллаһын лүтфү илә гәләбә чалаҹаг.”
Ислам Ингилабынын Рәһбәри мүсәлман дөвләтләрини Исраилә нефт вә әрзаг ихраҹыны дајандырмаға чағырыб. Гәззајә гаршы бомбардманлар дәрһал дајандырылмалы, Исраилә нефт вә әрзаг ихраҹы јоллары мүсәлман өлкәләри тәрәфиндән бағланмалыдыр.
Сөһбәтинин диҝәр һиссәсиндә Имам Хаменеи һәзрәтләри билдирибләр: “Гәззә халгы өз сәбри илә бәшәријјәтин виҹданыны һәрәкәтә ҝәтирмишдир. Һәмин Гәрб өлкәләриндә, Инҝилтәрәдә, Франсада, Италијада, АБШ-ын өзүндә, мүхтәлиф штатларда инсанлар күтләви шәкилдә күчәләрә чыхараг Исраилин әлејһинә вә һәм дә Американын әлејһинә шүарлар верирләр. Бунлар биабыр олдулар. Бунлар өз һәрәкәтләрини әсасландыра билмирләр. Бу арада бир ахмаг тапылыб дејир ки, Инҝилтәрәдә кечирилән аксија Иранын ишидир, сән демә Лондонун Бәсиҹи буну едиб! Парисин Бәсиҹи буну едиб!”
Диггәт: Хәбәрдән Истифадә Етдикдә Мәнбәјә Истинад Лазымдыр!