Әһли-Бејт (әлејһимус сәлам) Хәбәр Аҝентлији – АБНА: Президент Ибраһим Рәиси “Әл-Әгса туфаны” әмәлијјатынын ән мүһүм нәтиҹәләриндән бири кими фәләстинлиләрин һүгуглары нәзәрә алынмајынҹа реҝионда һеч бир јени дүзәнин гурулмајаҹағынын бир даһа сүбута јетмәси олдуғуну билдириб.
Чәршәнбә ахшамы Сејид Ибраһим Рәиси Сурија президенти Бәшәр Әсәдлә телефон данышығында сионист режимин 75 иллик тарихиндә мисли ҝөрүнмәмиш “Әл-Әгса туфаны” әмәлијјаты заманы ҹидди зәрбә алдығыны дејәрәк билдириб ки, өтән ҝүнләрдә бу ҹинајәткар режимин ифратчы кабинети бүтүн һәдләри ашараг ән гаты ҹинајәтләрә әл атмыш, өз амансыз тәҹавүзүнү етмишдир.
Президент Рәиси мәзлум Фәләстин халгынын һиддәтләнмәсинин әсас сәбәбини бу гатил режимин сағ ифратчы кабинетинин Мәсҹидүл-Әгсаја тәкрар-тәкрар һүҹумлары тәшкил етмәсинин вә сионистләр тәрәфиндән һәр ҝүн ушаг-гоҹа демәдән фәләстинлиләрин гәтлә јетирилдијини вә амансыз һәбсләрин олдуғуну диггәтә чатдырараг дејиб ки, бу ҝүн сионистләр бүтүн бејнәлхалг мүгавиләләрә зидд олараг Гәззәни тамамилә мүһасирәјә алмыш, бу бөлҝәнин мәзлум халгыны су, ишыг, дәрман вә јанаҹаг кими әсас шејләрдән мәһрум етмишдир. Бунунла јанашы јаланчы инсан һаглары иддиачылары да икили стандартларла залымла вә мәзлумун јерини әвәз етмәјә чалышырлар ки, бу да сионист режиминин архајын галмасына вә фәләстинлиләрин ганлы гәтлиамынын давам етмәсинә сәбәб олур.
Рәиси даһа сонра вурғулајыб ки, бу ҝүн бүтүн Ислам вә Әрәб өлкәләри вә еләҹә дә дүнјанын бүтүн азадлыг севәрләри инсанлары сионист режимин Фәләстин мәзлум халгына гаршы ҹинајәтләринин дајандырылмасы јолунда даһа сых бағлылыг гурмалы вә һәмрәнҝ олмалыдырлар. Елә бу әсасда Ислам Иран Республикасы бүтүн Ислам өлкәләринин башчылары илә әлагә сахлајараг бу һәмрәјлијин јарадылмасына чалышаҹагдыр.
Ыран президенти һәмчинин “Әл-Әгса туфаны” әмәлијјатынын әһәмијјәтли нтиҹәләриндән биринин фәләстинлиләрин һүгуглары нәзәрә алынмадан реҝионда һеч бир јени дүзәнин әлдә олунмајаҹағыны бир даһа сүбута јетдијини билдирмиш вә гејд етмишдир ки, бу ҝүн Фәләстинлиләрин һүгугларыны мүдафиә етмәк бәһанәси илә ҹинајәткар сионист режимлә әлагәләрин нормаллашмасына ҹан атанлар рүсвај олмушлар. Артыг бүтүн дүнјаја һеч дә ҝизлин дејил ки, һазырда сионист режими өзүнүн ән зәиф ҝүнләрини јашајыр.
Сурија президенти Бәшәр Әсәд бу телефон данышығында сионистләрә гаршы мүгавимәт һәрәкатынын бөјүк гәләбәләринин бу режимин иддиа етдијиндән гат-гат зәиф олдуғуну бир даһа ҝөстәрдијини дејәрәк, гаршымызда дуран илкин мәгсәдин бүтүн әрәб вә ислам өлкәләринин Фәләстин халгынын вә мәзлум Гәзза әһалисинин һүгугларыны дәстәкләмәк үчүн там шәффаф вә ваһид мөвге үзәриндә разылыға ҝәлмәсини вурғулајыб.
Сурија президенти даһа сонра билдириб ки, биз бүтүн сәјләримизи ән гыса заманда Фәләстин мәзлум халгына дәстәк үчүн ваһид вә ортаг разылыға ҝәлинмәси үчүн едәҹәјик. Әкс тәгдирдә ҹинајәткар сионист режиминин мәзлум Гәззә әһалисинә гаршы гәтлиамларын даһа да артмасына сәбәб олаҹагдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!