Әһли-Бејт (әлејһимус сәлам) Хәбәр Аҝентлији – АБНА: СәһәрАзәри-нин мәлуматына әсасән, Ислам Ингилабынын Али Мәгамлы Рәһбәри дүнјадакы ҝениш суи-гәсдләрә бахмајараг бүтүн едилмиш сәјләр нәтиҹәсиндә вә ишғал алтындакы Фәләстинин вә хүсусилә Гәззанын мөвҹуд вәзијјәтинә тохунараг билдирибләр ки, бу ҝүн Исламын ҝүҹүнүн тәзаһүрләриндән бири дә Фәләстиндә јашананлардыр. Фәләстиндә сон ҝүнләр баш верән партлајышлар, хүсусилә гадын, ушаг вә кишиләрин шәһадәти инсан гәлбини инҹидир, лакин бу һалларын башга бир һиссәси Исламын Фәләстиндәки инанылмаз ҝүҹүнү ҝөстәрир. Уҹа Аллаһын рәһмәти вә лүтфү илә Фәләстинин башладығы бу һәрәкат давам едәҹәк вә фәләстинлиләрин там гәләбәсинә сәбәб олаҹагдыр.
" Ислам дүнјасында һәр кәс Фәләстин халгына көмәк етмәк вәзифәсидир" дејә бујуран Ислам Ингилабынын Али Мәгамлы Рәһбәри Иранда Ислам гурулушунун тәшәккүл тапмасыны вә узун әсрләрдән сонра сијаси Ислам дүшүнҹәси әсасында һөкумәтин гурулмасыны Исламын гүдрәт рәмзи олдуғуну нәзәрә чатдырараг вурғулајыб ки, Ислам Республикасы ҝүнү-ҝүндән ҝүҹләнир, гурулдуғу ҝүндән артан ҝүҹү, ҝәләҹәкдә даһа да артаҹаг"
О һәзрәт, даһа сонра бујуруб ки, бу ҝүн Ислами һәрәкат Африка, Асија, Авропа вә Шимали Америка кими дүнјанын мүхтәлиф јерләриндә ҝенишләнмәкдәдир вә Аллаһын лүтфү илә бу һәрәкатын уғурлары да ҝенишләнәҹәк вә даһа ҝениш бир ҝүҹлә давам едәҹәкдир.
Ислам Ингилабынын Али Мәгамлы Рәһбәри чыхышынын давамында Шејх Зәкзаки вә аиләси илә ҝөрүшүнү чох хошбәхт адландырыб вә онлара бујуруб ки, сиз Аллаһ јанында әсл мүҹаһидлик нүмунәсисиниз вә үмид едирик ки, бу мүҹаһидлик јолуну давам етдирәҹәксиниз.
Ниҝерија ислами һәрәкатынын рәһбәри Шејх Ибраһим Зәкзәки вә ханымы да бу ҝөрүшдән бөјүк мәмнунлуг дујдугларыны ифадә едәрәк, һиссләрини тәсәввүр олунмаз адландырараг дејибләр ки, Сизин дуаларыныз вә мүсәлманларын јардым вә сәјләри илә Исламын ҝүндән-ҝүнә даһа чох јајылаҹағына үмид едирик.
Диггәт: Хәбәрдән Истифадә Етдикдә Мәнбәјә Истинад Лазымдыр!