Әһли-Бејт (әлејһимус сәлам) Хәбәр Аҝентлији – АБНА: Сионист режим гырыҹылары дүнән Гәззә золағынын шәргиндә јерләшән «Шәһид Мәһәммәд әл-Дуррәһ» адына ушаг хәстәханасыны тәркибиндә ағ фосфор олан бомбаларла һәдәфә алыблар.
Гәззәдә Фәләстин Сәһијјә Назирлијинин сөзчүсү Әшрәф әл-Гәдрә дејибдир ки: Гәззә ушаг хәстәханасы ағ фосфор һүҹумундан сонра бошалдылыбдыр.
Бундан габаг да Гәззәнин мүхтәлиф бөлҝәләри сионист режим тәрәфиндән ики дәфә фосфор бомбалары илә һәдәфә алынмышды.
Фәләстин мүгавимәт гүввәләри өтән шәнбә ҝүнүндән Гәззәдән сионист режимин ишғал олунмуш әразиләрдәки мөвгеләринә гаршы «Әл-Әгса Туфаны» адлы һәртәрәфли вә мисилсиз әмәлијјата башлајыблар.
Өзүнү гәфләтән Фәләстин мүгавимәтилә дөјүш мејданында ҝөрән вә өтән бир нечә ҝүн әрзиндә биабырчы мәғлубијјәтләрә дүчар олан сионист режим гејри-инсани һәрәкәтлә Гәззәдәки бүтүн кечидләри бағлајыбдыр ки, Фәләстин мүгавимәти гәһрәманҹасына «Әл-Әгса Туфаны» әмәлијјатыны дајандырмаға мәҹбур олмуш олсун.
Диггәт: Хәбәрдән Истифадә Етдикдә Мәнбәјә Истинад Лазымдыр!