Әһли-Бејт
(әлејһимус сәлам) Хәбәр Аҝентлији – АБНА: Бөлҝәнин Азәрбајҹанын там нәзарәтинә кечдикдән
сонра Русија сүлһмәрамлыларынын Гарабағда олмасы үчүн һансы һүгуги әсаслар вар?
Бишкекдә журналистләрин вердији бу суала Русија президенти Владимир Путин ҹаваб вериб.
“Ермәнистан Гарабағын Азәрбајҹанын бир һиссәси олдуғуну таныјанда мәлум олду ки, бизим сүлһмәрамлыларымыз, шүбһәсиз, Азәрбајҹан Республикасынын әразисиндәдирләр. Вә тәбии ки, инди - хүсусән дә, ермәни әһалисинин көчү илә бағлы ағыр һадисәләрдән сонра - вәзијјәт артыг тамамилә, көкүндән дәјишиб.”,- Валадимир Путин дејиб.
О сөзләринә белә давам едиб: “Амма формал олараг сүлһмәрамлыларымыз 2025-ҹи илин нојабрына гәдәр орада олаҹаглар вә биз, әлбәттә ки, тәрәфдашларымызла диалогда јахын ҝәләҹәкдә нәји вә неҹә едәҹәјимизи мүәјјәнләшдириб һәлл етмәли олаҹағыг. Данышыглар заманы буна гәрар верәҹәјик”.
Русија президенти беләликлә Русијанын реҝионда һәрби фәалијјәтинин давам етмәсинин разылашдырылаҹағына ејһам вуруб.
Русија президенти Бакы илә Ирәван арасында сүлһ сазишинин перспективләринин нәдән ибарәт олдуғуну сорушдугда, Ирәванын Гарабағы Азәрбајҹанын әразиси кими танымаг гәрарыны бир даһа хатырладыб.
Пашинјанын Прагада вердији бу бәјанат “Гарабағын статусуну мүәјјәнләшдирди: Ермәнистан Гарабағын Азәрбајҹан Республикасынын бир һиссәси олдуғуну таныды”.
Владимир Путин Азәрбајҹан Республикасы илә Ермәнистан арасында ҝедән сүлһ мүзакирәләриндә әсас проблемин референдумла бағлы олдуғуну хатырладыб вә билдириб ки, Пашинјанын Прага бәјанатындан сонра референдумун мөвзусу артыг бағланыб.
“Биз сүлһ сазишинин бағланмасы үмиди илә сүлһ данышыгларынын бәрпасына көмәк етмәјә һазыр олаҹағыг вә бүтүн һәмкарларымызы Москваја топлашмаға дәвәт етмишик. Баш назир Пашинјанын бундан хәбәри вар, мән она дедим, Азәрбајҹан президентинин дә бундан хәбәри вар. Мәнә елә ҝәлир ки, бу, тамамилә мүмкүндүр”.
Путинин сөзләринә ҝөрә, сәрһәдин демаркасијасы вә делимитасијасы илә бағлы техники мәсәләләр вар.
“Бир истигамәтдә 100 метр, диҝәр тәрәфдә бир километр, артыг фәрги јохдур. Һәр ики тәрәфин хош нијјәти илә бүтүн бунлары һәлл етмәк олар”, - Путин һесаб едир.
Диггәт: Хәбәрдән Истифадә Етдикдә Мәнбәјә Истинад Лазымдыр!