Әһли-Бејт (әлејһимус сәлам) Хәбәр Аҝентлији – АБНА: Ајәтуллаһ Систани Гәззә мүһарибәсинә тохунараг, дүнја өлкәләрини сионист режимин вәһшилијинә етираз еттмәјә чағырыб.
Ајәтуллаһ Систанинин месажында дејилир: “Бу ҝүнләрдә Гәзза золағы инсанлар үчүн артыг тәһлүкәсиз дејил. Гәззә, 6 миндән чох ҝүнаһсыз мүлки шәхсин шәһид олмасы вә јараланмасына, чохлу сајда инсанын евләриндән көчмәсинә, јашајыш мәнтәгәләринин ҝениш шәкилдә дағыдылмасына вә әразиләрин бомбаланмасына сәбәб олан давамлы бомбардманларын вә бәнзәрсиз һүҹумларын шаһидидир.
Исраил су, јемәк, дәрман вә диҝәр һәјати еһтијаҹлары әһатә едән боғуҹу бир мүһасирә тәтбиг етди вә ән чох әзијјәти о бөлҝәнин һеч бир ҝүҹү вә мүдафиәси олмајан халгына верди, санки онлардан гисас алмаг истәјир вә сон мүнагишәләрдә бөјүк вә ағыр мәғлубијјәтини компенсасија едир.
Бу һәрәкәтләри бүтүн дүнјанын ҝөзү гаршысында баш верир вә һеч бир манеә вә ја чәкиндириҹи фактор јохдур, әксинә бәиләри Исраилин бу ҹинајәт әмәлләрини “өзүнүмүдафиә бәһанәси” илә дәстәкләјирләр.
Бүтүн дүнјадан хаһиш олунур ки, бу мәнфур вәһшилијә гаршы дурсун вә ишғалчы гүввәләрин мәзлум Фәләстин халгына даһа чох зәрәр вурмаг планларынын ҝенишләнмәсинин гаршысыны алсын.
Бу нәҹиб халгын гануни һүгугларына наил олмасынын, торпагларынын ишғалдан вә гәсбкарлардан азд едилмәсинин, сон јетмиш илдә давам едән фаҹиәләринә сон гојулмасыла мүмкүндүр вә бу, реҝионда тәһлүкәсизлијин вә әмин-аманлығын бәргәрар олмасынын јеҝанә јолудур. Әкс тәгдирдә, тәҹавүзкарлара гаршы мүгавимәт давам едәҹәк вә зоракылыг дәсҝаһы даһа чох ҝүнаһсыз инсан ҹаныны алаҹаг.”
Диггәт: Хәбәрдән Истифадә Етдикдә Мәнбәјә Истинад Лазымдыр!