Әһли-Бејт (әлејһимус сәлам) Хәбәр Аҝентлији – АБНА: бу ҝүн Теһранда дүнјанын 41 өлкәдәсиндән тәшриф ҝәтирмиш 110 зијалынын иштиракы илә Бејнәлхалг Ислам Вәһдәтии Конфрансынын 37-ҹи сессијасы ишә башлајыб.
Иран президенти Ибраһим Рәиси конфрансын ачылышындакы чыхышында “Буҝүнкү ортаг бахышымыз нормаллашма вә тәслим олмаг дејил, дүшмәнләрә гаршы әзмкарлыг вә мүгавимәт ҝөстәрмәкдир” дејиб вә вурғулајыб ки, “Бирлик мәдәнијјәт, медиа вә игтисади мүһарибә илә мүбаризәнин јолуну тәмсил едир.”
Рәис һәмчинин дүшмәнин Ислам милләтинин бирлијинә гаршы мүбаризә апардығына вә бу халгын бирләшмәсини истәмәдијинә ишарә едәрәк, Фәләстинин азад едилмәсинин Ислам милләти үчүн ән мүһүм мәсәлә олдуғуну гејд едиб.
Иран президенти чыхышында Үмумдүнја Ислам Вәһдәти Конфрансынын тәшкил едилмәсинин мәгсәдинин мүсәлманлар арасында бирлик вә һәмрәјлик јаратмаг, алимләрин елми вә мәдәни бахышларыны јахынлашдырмаг, Ислам бирлијинин тәмин едилмәси үчүн чалышмаг вә әмәли һәлл јоллары тәклиф етмәк олдуғуну изаһ едиб.
Бејнәлхалг Ислам Вәһдәти Конфрансынын буилки сессијасы “Ортаг дәјәрләрин кристаллашмасы наминә Ислам әмәкдашлығы” шүары алтында топланыр.
Диггәт: Хәбәрдән Истифадә Етдикдә Мәнбәјә Истинад Лазымдыр!