Әһли-Бејт (әлејһимус сәлам) Хәбәр Аҝентлији – АБНА: Иранын БМТ-дәки сәфири БМТ баш катиби, Баш Ассамблејанын вә Тәһлүкәсизлик Шурасынын сәдринә үнванладығы мәктубда ушаг гатили, ишғалчы Исраил режимин баш назиринин риторикасыны кәскин шәкилдә мәһкум едиб вә сионист режим тәрәфиндән бејнәлхалг һүгуг нормаларынын давамлы вә ачыг шәкилдә позулмасына етираз едиб вә БМТ-ни сәрт тәнгид атәшинә тутуб.
Әмир Сәид Ирвани Меһр ајынын 3-ә бәрабәр олан, сентјабрын 25-дә БМТ-јә үнванладығы мәктубда билдириб:
“Нүвә силаһынын бәшәријјәтин вә планетин мөвҹудлуғу үчүн тәһлүкә олдуғуну нәзәрә алсаг, Исраил режими тәрәфиндән Иранын нүвә силаһы илә һәдәләнмәси мүгајисә олунмаз шиддәтли бир тәһлүкәдир вә бејнәлхалг иҹтимаијјәт үчүн бөјүк сарсынтыја сәбәб олаҹаг, хүсусән дә белә бир тәһлүкә Бирләшмиш Милләтләр Тәшкилатынын әсас сүтуну вә бүтүн үзв өлкәләрин тәмсилчиси олан БМТ кими мөтәбәр форумдан ҝәләрсә.”
Ирвани даһа сонра БМТ-ни пассивликдә ҝүнаһландырараг вурғулајыб:
“Шәраитдән асылы олмајараг һәр кәс тәрәфиндән, истәнилән вахт вә истәнилән јердә нүвә силаһындан истифадә олунмасы вә ја садәҹә олараг истифадә етмәк һәдәси бејнәлхалг һүгугун, хүсусилә БМТ Низамнамәсинин 2-ҹи маддәсинин 4-ҹү бәндинин ачыг шәкилдә позулмасыдыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!