Әһли-Бејт
(әлејһимус сәлам) Хәбәр Аҝентлији – АБНА: Русија президентинин мәтбуат катиби Дмитри
Песков гәрб өлкәләринин Гафгазда васитәчилик имканларына малик олмадығыны билдириб,
онларын Гафгазда мөвҹуд олмаг ҹәһдләринә сон гојмаға чағырыб.
Песков Ермәнистан вә Азәрбајҹан лидерләринин октјабрын 5-дә Гранадада кечирилмәси нәзәрдә тутулан ҝөрүшүнү шәрһ едәркән билдириб ки, үчүнҹү тәрәфләрин Гафгазда потенсиал васитәчилик имканлары олмадан өз мөвҹудлуғуну бәргәрар етмәк ҹәһдләринин гаршысыны алмаг әсасдыр.
Песков Әрдоғанла Әлијевин Нахчыван ҝөрүшүндән исә реҝионда тәһлүкәсизлијә төһфә верәҹәјини ҝөзләдијини дејиб:
"Онлар суверен өлкәләрдир вә әмәкдашлығы инкишаф етдирмәк үчүн өз суверен һүгугларыны һәјата кечирирләр. Биз Бакы илә Анкара арасында нә гәдәр сых мүнасибәтләр олдуғуну билирик", - Русија президентинин мәтбуат катиби билдирибш
Русија президенти Владимир Путин, Азәрбајҹан президенти Илһам Әлијев вә Ермәнистанын баш назири Никол Пашинјан арасында мүмкүн үчтәрәфли ҝөрүш барәдә исә Песков "Һәләлик үчтәрәфли ҝөрүшлә бағлы дәгиг контур јохдур", - дејиб.
О, ејни заманда вурғулајыб ки, кимсә ҝәрҝинлијин сәвијјәсинин азалдылмасына, ермәни әһалисинин вә Гарабағын јени реаллыға интеграсијасына көмәк едә билсә, бу, јалныз алгышлана биләр.
"Анҹаг бунун үчүн бүтүн тәрәфләрин разылығы лазымдыр", - Песков билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!