Әһли-Бејт
(әлејһимус сәлам) Хәбәр Аҝентлији – АБНА: Иран хариҹи ишләр назири Нју-Јоркда өз
азәрбајҹанлы һәмкары илә ҝөрүшдә дејиб ки: Азәрбајҹан Республикасынын сәфири вә
дипломатларынын тезликлә бу өлкәнин Теһрандакы сәфирлијинә гајыдаҹаглары вә ики
өлкә әлагәләриндә јени бир сәһифәнин ачылаҹағынын шаһиди олаҹағымыза үмид едирик.
Иран Ислам Республикасынын хариҹи ишләр назири Һүсејн Әмир-Абдуллаһијан Нју-Јоркда БМТ Баш Ассамблејасынын 78-ҹи сессијасынын кәнарында кечирдији ҝөрүшләрин давамында јерли вахтла шәнбә ҝүнү ахшам Азәрбајҹан Республикасынын хариҹи ишләр назири Ҹејһун Бајрамовла ҝөрүшүб.
Ҝөрүшдә Гарабағ бөлҝәсинин олајлары, һәмчинин ики тәрәфи марагландыран бәзи мәсәләләр әтрафында фикир мүбадиләси апарылыб.
Азәрбајҹан Республикасынын хариҹи ишләр назири Ҹејһун Бајрамов да бу ҝөрүшдә ики өлкәнин мүхтәлиф һејәтләринин сон ҝөрүшләриндән вә әлдә олунмуш нәтиҹәләрдән разылыг едиб.
Ики өлкәнин јүксәк сәвијјәли мүхтәлиф рәсмиләринин сон ҝөрүшләринин нәтиҹәләрини конструктив вә ирәлијә доғру дәјәрләндирән Бајрамов ики өлкә арасында јени конструктив аддымларын атылмасына һазырлыг ифадә едиб.
Тәрәфләр бирҝә әмәкдашлыглар сәвијјәсинин јүксәлдилмәси вә артырылмасы истигамәтиндәки бәзи ики вә чохтәрәфли тәшәббүсләр әтрафында да фикир мүбадиләси апарыблар.
Иран Ислам Республикасынын хариҹи ишләр назири өтән вә Гарабағ бөлҝәсиндәки сон дөјүшләрдән сонракы ҝүнләрдә Нју-Јоркда өз ермәнистанлы һәмкары Арарат Мирзојанла да ҝөрүшүб.
О, һәмин ҝөрүшдә ермәнистанлы һәмкарына билдирибдир ки: Гарабағы Азәрбајҹан Республикасынын бир һиссәси һесаб едирик, лакин ихтилафлар сијаси вә диалог јолу илә һәлл едилмәлидир.
Диггәт: Хәбәрдән Истифадә Етдикдә Мәнбәјә Истинад Лазымдыр!