Әһли-Бејт (әлејһимус сәлам) Хәбәр Аҝентлији – АБНА: Астана просесинә үзв өлкәләрин- Иран, Русија вә Түркијәнин хариҹи ишләр
назирләринин үчтәрәфли вә сонрадан БМТ баш катибинин хүсуси нүмајәндәси Ҝејр Педерсен-ин
иштиракы илә дөрдтәрәфли иҹласы Иран Ислам Республикасы хариҹи ишләр назиринин тәшкилатчылығы
илә БМТ Баш Ассамблејасынын сессијасы кәнарында Нју-Јоркда кечирилиб.
Иран хариҹи ишләр назири Һүсејн Әмир-Абдуллаһиан өз чыхышында Астана просеси үзвләринин БМТ баш катибинин Сурија мәсәләси үзрә хүсуси нүмајәндәси илә бирҝә иҹласындан разылыг едиб.
Бизим буҝүнкү иҹласымыз Астана просеси форматындакы коллектив тәдбирләримизин өнәмини бир даһа нүмајиш етдирди. Һәмчинин БМТ баш катибинин хүсуси нүмајәндәси ҹәнаб Педерсенин бу иҹласда иштиракы Сурија бөһранынын һәллинә јардымда БМТ-нин ролунун әһәмијјәтини тәсдиг етди- дејә, Иран хариҹи ишләр назири вурғулајыб.
Әмир-Абдуллаһиан сонра Астана просесинин замин өлкәләри башчыларынын өнҹәки Теһран ҝөрүшүнә ишарә едиб: “Тәәссүфлә, Суријадакы инсани вәзијјәт кечмишдә олдуғу кими, бөһранлыдыр. Онун бир һиссәси Суријанын гадынлары, ушаглары вә диҝәр инсанларыны һәдәфә алан биртәрәфли санксијалардан, һәмчинин Сурија халгынын тәбии еһтијатлары вә әмлакынын гарәт едилмәсиндән ирәли ҝәлир. Биз бу иҹласда Суријадакы инсани вәзијјәтә даир бирҝә ниҝаранчылығымызы тәкрар вә бир даһа Суријаја гаршы санксијаларын ганунсуз олмасына вә онларын там шәкилдә ләғв едилмәси зәрурәтинә тәкид едирик.”
Диггәт: Хәбәрдән Истифадә Етдикдә Мәнбәјә Истинад Лазымдыр!