Әһли-Бејт
(әлејһимус сәлам) Хәбәр Аҝентлији – АБНА: Гарабағ бөлҝәсиндә јерләшән ермәни силаһлы
гүввәләри силаһларыны јерә гојуб, дөјүш мөвгеләрини вә һәрби постларыны тәрк едәрәк,
тамамилә тәрксилаһ едәҹәкләрини бәјан едибләр.
Бу барәдә Азәрбајҹан Мүдафиә Назирлији мәлумат јајыб.
Гејри-рәсми хәбәрләрә ҝөрә, Дағлыг Гарабағ нүмајәндәләри илә Азәрбајҹан һөкумәти арасында бу реҝионун интеграсијасы үчүн данышыглар сабаһ, ҹүмә ахшамы Азәрбајҹанын Јевлах рајонунда кечириләҹәк.
Гарабағда дүнәнки разылашдырылмыш мүһарибәдән сонра атәшкәс һаггында сазишин там мәтни беләдир:
1. 2023-ҹү ил сентјабрын 20-дә Дағлыг Гарабағда саат 13:00-дан етибарән атәшин там дајандырылмасы барәдә әввәлҹәдән мүәјјән едилмиш разылыг әлдә олунуб.
2. Ермәнистан Республикасы Силаһлы Гүввәләринин галан һиссәләринин вә һәрби гүввәләринин Русија сүлһмәрамлы гүввәләринин јерләшдији әразидән чыхарылмасы вә силаһлы тәшкилат олан “Дағлыг Гарабағ Мүдафиә Ордусунун” ләғви вә там тәрксилаһ едилмәси һаггында разылыг әлдә едилиб. Онларын ағыр техника вә силаһларынын Дағлыг Гарабағ әразисиндән чыхарылмасы да разылашдырылыб.
3. Азәрбајҹан тәрәфинин галдырдығы Дағлыг Гарабағ ермәниләринин реинтеграсијасы, һүгуглары вә тәһлүкәсизлији илә бағлы мәсәләләри, һәмчинин, Азәрбајҹан Конститусијасы чәрчивәсиндә Дағлыг Гарабағ әһалисинин доланышыг тәминаты мәсәләләри, мүгавилә әсасында јерли ермәни әһалисинин нүмајәндәләри илә Азәрбајҹан Республикасынын мәркәзи һөкумәтинин нүмајәндәләри арасында кечириләҹәк ҝөрүшдә мүзакирә олунаҹаг.
Ҝөрүш сентјабрын 21-дә кечириләҹәк. Нөвбәти ҝөрүшләр дә Јевлах шәһәриндә баш тутаҹаг.
Гејд едәк ки, дүнәндән Гарабағ бөлҝәсиндә тоггушмалар Азәрбајҹан һәрби гүввәләринин һава һүҹуму илә башлајыб. Бакы бу аддымы 2020-ҹи илдә атәшкәс разылашмасынын јеринә јетирилмәмәси вә һәмчинин мина партламасы нәтиҹәсиндә бу өлкәнин 7 полисинин һәлак олмасы илә әлагәләндириб.
Диггәт: Хәбәрдән Истифадә Етдикдә Мәнбәјә Истинад Лазымдыр!