Әһли-Бејт
(әлејһимус сәлам) Хәбәр Аҝентлији – АБНА: Августун 7-си ахшам саатларында Иранын
шимал-гәрбиндәки Чалдаран шәһәриндә 1-ҹи гвардија әсҝәри Әмир Һүсејн Салеһиан өз
һәрби вәзифәсини јеринә јетирәркән антиингилабчы үнсүрләр тәрәфиндән шәһид едилдији
билдирилир.
Гејд едәк ки, Иранын шимал-гәрбиндә Гәрби Азәрбајҹанын шәһәрләриндән бири олан Чалдаранда бу һадисәнин баш вермәси һагда хәбәри һагда Урмијадан СәһәрАзәри-нин мүхбиринин вердији мәлумата әсасән, “Сејидүш-Шүһәда Һәмзә” һәрби дүшәрҝә команданлығы бу террор актыны писләмиш, шәһид едилмиш шәрәфли әсҝәрин аиләсинә вә бүтүн Иран халгына өз дәрин кәдәр һиссини билдирмишдир.
Һәрби дүшәрҝә команданлығы һадисәнин сәбәбкарларына гаршы сәрт ҹаваб вериләҹәјини вә белә бир мәнфур аддымын Ислам Ингилабынын мүтәрәгги вә дөнмәз һәрәкатына һеч бир тәсир ҝөстәрмәјәҹәјини, әксинә Иран халгынын даһа бөјүк бир вәһдәт вә бирлијинә, һәмчинин милли ирадәсинин даһа да мөһкәмләјәҹәјинә сәбәб олаҹағыны вурғулајб.
Хатырладаг ки, ПКК террор груплашмасы кечмиш ССРИ дөврүндән фәалијјәт ҝөстәрир вә Азәрбајҹанын екс-президенти Һејдәр Әлијевин ПКК террор груплашмасына вә онун диҝәр голларына дәстәк вермәси барәдә сәнәдләр өз сүбут шәклиндә дәрҹ етдирилмишдир.
Гејд едәк ки, тарих бојунҹа Иран азәрбајҹанлылары исә, һәр заман империалист үнсүрләрин вә онларын чиркин һијләләринин һүҹумуна мәруз галмышдыр. Һеч дә унудуласы дејил ки, бу халг 8 иллик мүһарибә заманы Иранын дүшмәнләри, о ҹүмләдән Сәддамын “Бәәс” террорчу режими илә мүбаризәдә, мүҹаһидләрә вә ја мүнафигләрә гаршы мүбаризәдә минләрлә шәһид вермишләр.
Вахты илә, Һејдәр Әлијевин һимајә етдији Сәддамын “Бәәс” террорчу режими вә һазыркы президент Илһам Әлијев һөкумәтинин һимајәсиндә дурдуғу “Рәҹәви” муздурунун башчылыг етдији мүнафигләр террор груплашмасы Иран әлејһинә олмазын тәхрибатлары төрәтмәкдә давам едирләр. Һазырда мәнфур “Рәҹәви” тәшкилатыны дәстәкләјән онларла террорчунун Бакыда мөвҹудлуғу вә Азәрбајҹан Республикасынын диҝәр бөлҝәләриндә дә Әлијевин онларын фәалијјәтләринә һимајәдарлығы һеч дә ҝизли дејил. Сон ики илдә исә, Азәрбајҹан Республикасынын милләт вәкилләри Сабир Рүстәмханәли, Рази Нуруллаһјев кими Әлијев һакимијјәтинин тәмсилчиләри дәфәләрлә мүнафигләр групунун террорчуларынын топлантысында иштирак едибләр. Һеч дә ҝизләдиләси дејил ки, Тәбриз, Урмија, Зәнҹан вә Әрдәбилдә минләрлә азәрбајҹанлы бу пис хисләтли террорчуларын ријакарлығынын гурбаны олмушлар.
Буну да хатырлатмаг јеринә дүшәр ки, Иранын гејрәтли азәриләри тезликлә өз шәһид ҝәнҹләринин гәтлинин интигамыны вәтән хаинләриндән вә онларын мәкрли тәрәфдарларындан алаҹаглар.
Диггәт: Хәбәрдән Истифадә Етдикдә Мәнбәјә Истинад Лазымдыр!