Әһли-Бејт
(әлејһимус сәлам) Хәбәр Аҝентлији – АБНА: Иранын Телерадио Тәшкилатынын сәрһәдашыры
бөлмәсинин рәһбәри 13-ҹү һөкумәтин хариҹи сијасәт саһәсиндәки фәалијјәтинә даһа
чох диггәт јетирмәјин зәрурәтиндән данышыб.
Иран президентинин Теһрандакы ИРИБ-ин гәрарҝаһында кечирилән медиа фәалијјәтләри сәрҝисинә бахышы чәрчивәсиндә Әһмәд Новрузи Иран Пресс мүхбиринә ҹаваб олараг, дејиб: “Иран президенти Ибраһим Рәисинин хариҹи сијасәтдә фәал јанашмасыны вә ИРИБ-ин сәрһәдашыры бөлмәсинин хүсуси вә тәбии вәзифәсини нәзәрә алараг, һөкумәтин хариҹи сијасәтинин даһа јүксәк әһәмијјәтлә әкс етдирилмәси бизим үчүн зәрурәтә чеврилиб”.
Новрузи әлавә едиб: “ИРИБ-ин сәрһәдашыры бөлмәсинин әмәкдашлары 13-ҹү һөкумәтин хариҹи сијасәт саһәсиндә атдығы ирәлијә доғру аддымларыны әкс етдирмәк үчүн даһа чох диггәт вә сәј ҝөстәрәҹәкләр”.
Иран президенти Сејид Ибраһим Рәиси базар ертәси Иранын Телерадио Тәшкилатында олуб вә бу тәшкилатын мәһсуллары вә техноложи наилијјәтләринин нүмајиш етдирилдији сәрҝини зијарәт едиб.
Милли медиа грумунун сәрһәдашыры бөлмәси онларла бејнәлхалг дилдә јајымланан вә әһәмијјәтли виртуал мәкан фәалијјәтини тәмин едән 20-дән чох радио вә 12 телеканала маликдир.
Диггәт: Хәбәрдән Истифадә Етдикдә Мәнбәјә Истинад Лазымдыр!