Әһли-Бејт
(әлејһимус сәлам) Хәбәр Аҝентлији – АБНА: Ермәнистанын Азәрбајҹан сәрһәддинә
һуманитар јардым олдуғуну билдирәрәк бир нечә јүк машыны ҝөндәрмәси вә Азәрбајҹан
Республикасынын һәмин јук машынларынын Лачын-сәрһәд-бурахылыш мәнтәгәсиндән
кемәсинә иҹазә вермәмәси гәрб дөвләтләрини нараһат едиб.
Гәрб дөвләтләри вә гурумлары о сырадан Франса рәсми Бакыны сәрһәдди ачмаға вә Ирәвандан ҝөндәрилән јук машынларыны гејд-шәртсиз олараг Ханкәндијә бурахмаға чағырырлар.
Һәмин дөвләтләр вә гурумлар 2014-ҹү илдә Русијадан Донетск вә Луганска һуманитар јүк дашымасына гаршы чыхараг буну Украјнанын суверинлији вә әрази бүтөвлүјүнә һөрмәтсизлик вә ишғал факты кими гијмәтләндирдиләр.
Сијаси елмләр доктору Сабир Мәммәдли Репорт.аз-а вердији ачыгламада буну икили стандартларын нөвбәти тәзаһүрү һесаб едиб:
“Гәрб дөвләтләринин, хүсусилә Франсанын бир вахтлар дедијини инди “унутмасы”, бу азмыш кими әкс мөвге сәрҝиләмәси икили стандартларын нөвбәти тәзаһүрүдүр”,- Сабир Мәммәдли дејиб.
Онун сөзләринә ҝөрә, Азәрбајҹан Гәрб дөвләтләринин бу ҹүр гејри-адекват мүнасибәтилә әввәлләр дә растлашыб:
“Бу, ҝөстәрир ки, онлар баш верән просесләрә анҹаг өз мараглары контексиндән јанашырлар. Бунун үчүн һәтта лазым ҝәләндә бејнәлхалг һүгугун тәләбләрини дә ҝөрмәздән ҝәлә билирләр”.
С.Мәммәдли хатырладыб ки, Ермәнистан Азәрбајҹанла Нахчыван арасындакы гуру јолу 30 илдир блокадада сахлајыр:
“Нијә Гәрб дөвләтләри бу барәдә бир сөз демир? Лачын јолу Азәрбајҹан әразисидир. Демәли, јалныз бизим разылығымыз оландан сонра әразидән һансыса јүкләр дашына биләр.”- Експерт билдириб.
Гејд едәк ки, 2014-ҹү илдә Русијадан Донетск вә Луганска һуманитар јүк дашынырды. О заман АБШ-ын БМТ-дәки даими нүмајәндәси Саманта Пауер вурғуламышды ки, өлкәси Русијанын Украјнаја һуманитар јардым чатдырмагла бағлы биртәрәфли аддымыны бирбаша ишғал кими гијмәтләндирәҹәк. АТӘТ-ин сәдри олмуш Дидје Буркһалтер исә сөјләјиб ки, һуманитар јардым Украјнанын әрази бүтөвлүјүнә һөрмәт едилмәк шәрти илә чатдырылмалыдыр. Канадалылар һәмчинин гејд едибләр ки, Русија Украјнанын суверенлијинә вә әрази бүтөвлүјүнә мәһәл гојмадығыны бир даһа нүмајиш етдирир.
Инди исә Азәрбајҹандан Лачын јолуна һәрһансы нәзарәтдән ваз кечмәси тәләб олунуб.
Диггәт: Хәбәрдән Истифадә Етдикдә Мәнбәјә Истинад Лазымдыр!