Әһли-Бејт
(әлејһимус сәлам) Хәбәр Аҝентлији – АБНА: Копенһаҝен конфрансынын давамында Ҹиддә
конфрансы кечирилиб.
Украјнанын јүксәк вәзифәли рәсмиләри бир нечә өлкәнин вә бејнәлхалг органын нүмајәндәләрилә јанашы, конфрансда иштирак едибләр.
Гырхдан чох өлкәнин хариҹи ишләр назирликләринин нүмајәндәләри вә милли тәһлүкәсизлик мүшавирләринин иштиракы илә ики ҝүн мүддәтинә кечирилән Украјнада сүлһ үзрә Ҹиддә конфрансы дүнән сона чатыб.
Конфрансын јекун бәјанатында дејилир ки: Украјнада сүлһ үзрә Ҹиддә мүзакирәләри сүлһүн бәргәрары истигамәтиндә бирҝә зәминин јарадылмасына бөјүк көмәклик ҝөстәрди.
Бәјанатда әлавә олунур ки: Конфранс иштиракчылары Украјна бөһранынын һәлли истигамәтиндәки мәшвәрәтләрин давамына, һәмчинин конфрансда ирәли сүрүлән фикирләрдән истифадәјә тәкид едибләр.
Бәјанат гејд едибдир ки, Ҹиддә конфрансында мүсбәт вә мүхтәлиф фикир вә бахышлар нәзәрдән кечирилиб.
Конфрансда иштирак едән нүмајәндә һејәтләринин башчылары дүнән өз мүзакирәләрини баша чатдырсалар да, Украјна бөһраны илә бағлы һәмкарлыг вә координасија мәгсәдилә техники мүзакирәләр давам етдирилиб.
Диҝәр тәрәфдән, Ҹиддә мүзакирәләрини јахшы вә фајдалы адландыран Алманија хариҹи ишләр назири Анналена Бербок билдирибдир ки, әдаләтли сүлһүн реаллашмасы истигамәтиндә атылаҹаг һәр һансы аддым, Украјна халгынын хејринә олаҹаг.
Диггәт: Хәбәрдән Истифадә Етдикдә Мәнбәјә Истинад Лазымдыр!