Әһли-Бејт
(әлејһимус сәлам) Хәбәр Аҝентлији – АБНА: Өтән ҝүн Салјанда јерләшән ҹәзачәкмә мүәссисәсиндә
өзүнү ҝүлләләјән һәрби гуллугчунун вәзијјәти барәдә мәлумат јајылыб.
Пенитенсиар Хидмәтин мәлуматында дејилир ки, Мүһафизә Алајынын һәрби гуллугчусу әсҝәр Үлви Илјас оғлу Шамхаловун хәстәханада мүалиҹәси давам етдирилир. Һәјаты үчүн һеч бир тәһлүкә јохдур.
Гејд едәк ки, Азәрбајҹан Республикасында һәрби гуллугчуларын интиһары һаллары јүксәк олараг галыр. Белә ки, Ҹари илин сон 7 ајында 17 һәрби гуллугчунун интиһар етдији гејд олунур.
Бу барәдә Ијулун 30-да Хәзәр Һәрби Тәдгигатлар Институту Азәрбајҹанын Тәһлүкәсизлик вә Мүдафиә сектору илә бағлы һесабатында дејилир. Һесабат 2023-ҹү илин 7 ајыны әһатә едир.
Сәнәддә сон 7 ајда ән азы 44 һәрбчинин һәјатыны итирдији гејд олунуб:
“Онлардан 9 нәфәри Ермәнистан ордусунун ҝүлләси вә мина партлајышы нәтиҹәсиндә һәјатыны итириб, 35 нәфәри исә гејри-дөјүш иткиләридир. 4 нәфәр јол-нәглијјат һадисәләриндән вә ја мүхтәлиф автогәзалардан, 8 нәфәр мүхтәлиф хәстәликләрдән, 1 нәфәр гејри-низамнамә һадисәләриндән, 2 нәфәр силаһлы басгындан, 1 нәфәр еһтијатсызлыгдан, 3 нәфәр исә бәдбәхт һадисәдән вәфат едиб”.
Һесабатда ҹари илдә 17 һәрби гуллугчунун интиһар етдији гејд олунуб. Билдирилир ки, 7 ајда өләнләрин 28 нәфәри Мүдафиә Назирлијинин, 9-у Дөвләт Сәрһәд Хидмәтинин (СГ), 3-ү Фөвгәладә Һаллар Назирлијинин, 2-си Дахили Гошунларын, Стратежи Објектләрин Мүһафизә Идарәсинин, Әдлијјә Назирлијинин, Рәгәмсал Инкишаф вә Нәглијјат Назирлијинин һәрбиләшдирилмиш мүһафизә идарәсинин һәр бириндән 1 нәфәр һәјатыны итириб”.
Хәзәр Һәрби Тәдгигатлар Институтунун арашдырмаларына ҝөрә, Азәрбајҹан Тәһлүкәсизлик вә Мүдафиә Секторунда гејри-дөјүш иткиләринин сајы ҹидди шәкилдә артыр:
“Хүсусилә хејли сајда һәрби гуллугчунун интиһар етмәси факты структурлары тәхирәсалмаз тәдбирләр ҝөрмәјә вадар етмәлидир. Үмумиликдә мониторингин апарылдығы 2003-ҹү илдән бу јана Азәрбајҹан Тәһлүкәсизлик вә Мүдафиә Сектору ән азы 4.463 һәрби гуллугчусуну итириб ки, онлардан тәхминән 3582 нәфәри дөјүш иткисидир. 881 нәфәрсә гејри-дөјүш иткиләридир”.
Диггәт: Хәбәрдән Истифадә Етдикдә Мәнбәјә Истинад Лазымдыр!