Әһли-Бејт
(әлејһимус сәлам) Хәбәр Аҝентлији – АБНА: Азәрбајҹан Республикасында сијаси партијаларын
гејдијјат мәсәләси бөһрана чеврилир.
Мүхалифәтин әсас партијалары сајылан АХҸП вә Мүсаваты бурахылмаг тәһлүкәсилә үз-үзә гојан Әдлијјә Назирлији һакимијјәтин мүттәфигләрини белә сырадан чыхармаг нијјәтиндәдир, мәгсәд исә өлкәнин тәкпатијалы системә кечмәсидир.
Бунунла әлагәдәр назирлик Вәтәндаш Һәмрәјлији Партијасынын (ВҺП), Милли Ҹәбһә Партијасынын (МҸП), Бүтөв Азәрбајҹан Халг Ҹәбһәси Партијасынын (БАХҸП) вә фактики олараг чохдандыр игтидара сығынмыш Бөјүк Гурулуш Партијасынын үзвләринин сајы илә бағлы тәгдим етдији мүраҹиәтә бахараг онлара мәнфи ҹаваб вериб.
Индијә гәдәр 27 сијаси партија өз үзвләринин сијаһысыны назирлијә тәгдим едиб. Әдлијјә Назирлији индијә гәдәр АХҸП, Мүсават, РЕАЛ, Үмид, АҒ, Әдаләт партијаларына мәнфи ҹаваб вериб. Јалныз һаким Јени Азәрбајҹан Партијасы мүсбәт ҹаваб алыб.
Гејд едәк ки, нөгсанлар ашкар олунмуш партијалара чатышмазлыгларын арадан галдырылмасы үчүн 30 ҝүн вахт верилиб.
Мүсават башганы Туран Хәбәр Аҝентлији илә мүсаһибәдә “Сијаси партијалар һаггында” гануна дәјишикликләри мүртәҹе тәшәббүс адландырыб.
Сон бир нечә ајда Азәрбајҹанда 30-дан чох партија өзүнү бурахыб. Дахил олан мәлумата ҝөрә, партијаларын чоху өзүндән хәбәрсиз, Президент Администрасијасы тәрәфиндән бурахылыр вә һәмин партијаларын рәһбәрләри бу һагда һөкумәтә јахын медиа органларында чыхан хәбәрләрдән өјрәнирләр.
2022-ҹи илин декабрында Милли Мәҹлис “Сијаси партијалар һаггында” Гануну ЫЫЫ охунушда гәбул едиб. Дахили вә хариҹи етиразлара рәғмән, Илһам Әлијев 2023-ҹү илин јанварында гануну тәсдигләјиб.
Јени ганунун наразылыг доғуран маддәләри сырасында партијаларын 5 мин үзв топламасы вә онларын һәр биринин рејестрдән кечирилмәси хүсуси јер тутур. 2022-ҹи илдә Азәрбајҹанда 59 сијаси партија гејдијјатда олуб.
Диггәт: Хәбәрдән Истифадә Етдикдә Мәнбәјә Истинад Лазымдыр!