Әһли-Бејт
(әлејһимус сәлам) Хәбәр Аҝентлији – АБНА: Иран Ислам Республикасынын хариҹи ишләр
назири Һүсејн Әмир-Абдуллаһијан Түркијәни өз гошунларыны Суријадан чыхармаға чағырыб.
Иранлы назир бу барәдә дејиб: “Биз һесаб едирик ки, хариҹи дөвләтләрин гүввәләринин Суријада олмасы бу өлкәнин сабитлик вә тәһлүкәсизлијинә һеч бир төһфә вермәјәҹәк. Түркијәнин Сурија илә сәрһәдләринин тәһлүкәсизлији илә бағлы нараһатлығыны јахшы баша дүшүрүк. Анҹаг һесаб едирик ки, Суријада һәрби мөвҹудлуг һәлл јолу дејил”.
Гејд едәк ки, Сурија һөкумәти онун иҹазәси олмадан түрк гүввәләринин Суријанын шималында мөвҹудлуғуну ишғалчылыг факты адландырыр вә онларын "ҝери чәкилмәсини" истәјир.
Сурија рәсмиләри һәмчинин елан едибләр ки, Сурија, Иран, Русија вә Түркијәнин иштиракы илә давам едән дөрдтәрәфли данышыгларда онларын мәгсәди бүтүн түрк гошунларынын Сурија әразисиндән јекун олараг чыхарылмасыдыр. Онлар белә бир һәрәкәти Дәмәшг вә Анкара арасында мүнасибәтләрин нормаллашмасы үчүн нөвбәти аддымларын мүгәддимәси кими гијмәтләндирирләр.
Диггәт: Хәбәрдән Истифадә Етдикдә Мәнбәјә Истинад Лазымдыр!