Әһли-Бејт
(әлејһимус сәлам) Хәбәр Аҝентлији – АБНА: Азәрбајҹанлы политолог мәһкәмәнин диндарлара
олан мүнасибәтини тәнгид едәрәк билдириб ки, Бакы Ағыр Ҹинајәтләр Мәһкәмәси диндарларла
бағлы конвејер үсулуна кечиб вә онлара гаршы тәкрар иттиһамлар ирәли сүрүр.
Әрәстун Оруҹлу бу һагда өзүнүн фејсбук пајлашымында билдирир: “Ҝүндә бир нечә диндарларын иши илә бағлы "мәһкәмә" просеси кечирилир. Мүтләг әксәријјәти дә наркотик иттиһамы илә. Һалбуки Азәрбајҹанда наркотикләрлә бағлы иттиһамларын мүтләг әксәријјәти һәр заман сахта олуб вә бу ҝүн дә беләдир”.
Онун фикринҹә диндарлара гаршы мәһз бу иттиһамын күтләви шәкилдә верилмәси тәсадүфи дејил. Бунунла дин вә наркотик, диндар вә наркоман анлајышларыны ејниләшдирмәк мәгсәди ҝүдүлүр.
Әрәстун Оруҹлу хәбәрдарлыг едир ки, диндарлара гаршы күтләви шәрләмәләр тәкҹә ҝәләҹәкдә башгаларына гаршы да тәтбиг олунаҹағы сәбәбиндән тәһлүкәли дејил, һәм дә ән азы ики мәкрли нијјәтә хидмәт едир: ҹәмијјәти парчаламаға вә тәкләнмиш, мүдафиәсиз галмыш инанҹлы һәмвәтәнимизин даһа да радикаллашмасына.
Политолог һесаб едир ки, дүнјәви кәсимин диндарларын позулмуш һүгугларыны мүдафиә етмәмәсинин сәбәбләри көкүндән јанлышдыр вә өлкәнин ҝәләҹәји үчүн јахшы һеч нә вәд етмир.
Танынмыш политолог әлавә едиб ки, кимсә үнванына "Иран аҝенти" дејиләҹәјиндән горхараг, кимсә дә садәҹә диндарлара олан еһтијатлы вә бәзән дә негатив мүнасибәтиндән онларын һаггынын күтләви шәкилдә позулмасыны ҝөрмәздән ҝәлир. Лакин бунларын һәр икиси јанлышдыр. Әҝәр һүгугларын позулмасындан сөһбәт ҝедирсә, буна ҝөз јуманларын һүгуг һаггында данышмаға белә мәнәви һаггы јохдур, ола да билмәз.
Диггәт: Хәбәрдән Истифадә Етдикдә Мәнбәјә Истинад Лазымдыр!