Әһли-Бејт
(әлејһимус сәлам) Хәбәр Аҝентлији – АБНА: Шәнбә ҝүнү Ислам Ингилабы Кешикчиләри
Корпусу СЕПАҺ-ын Һәрби Дәниз Гүввәләринә бир сыра јени јерли һәрби техника вә системләр
тәһвил верилиб.
Ракетләр, пилотсуз тәјјарәләр вә електрон дөјүш системләри дә дахил олмагла јени стратежи аваданлыглар Ислам Ингилабы Кешикчиләри Корпусу СЕПАҺ-ын команданы ҝенерал-мајор Һүсејн Сәлами вә СЕПАҺ-ын Һәрби Дәниз Гүввәләринин командири контр-адмирал Әли Рза Тәнҝсиринин иштирак етдији мәрасимдә СЕПАҺ-ын һәрби дәниз гүввәләринә тәһвил верилиб.
Мәрасимдә чыхыш едән контр-адмирал Әли Рза Тәнҝсири бу јени силаһлары СЕПАҺ Һәрби Дәниз Гүввәләринин дөјүш имканларынын ҝенишләндирилмәсиндә “әсас вә тәсирли аддым” кими гијмәтләндириб.
О, гејд едиб ки, јени ганадлы вә баллистик ракетләр сүни интеллектлә тәҹһиз олунуб, даһа узун мәсафәләрә маликдир, дәрһал атыша һазырлана, дүшмәнин електрон дөјүш системләрини мәһв едә, мүхтәлиф истигамәтләрдән тәјин олунмуш һәдәфләри вура билир.
Командир һәмчинин изаһ едиб ки, јени пилотсуз тәјјарәләр даһа узун учуш дөзүмлүлүјүнә маликдир, даһа бөјүк вә даһа ағыр дөјүш сурсатлары илә силаһланыб, електрон мүһарибә шәраитиндә, мобил һәдәфләри партлатмаг вә дәниз һәдәфләрини бөјүк дәгигликлә вурмагда истифадә олуна биләр.
Диггәт: Хәбәрдән Истифадә Етдикдә Мәнбәјә Истинад Лазымдыр!