Әһли-Бејт
(әлејһимус сәлам) Хәбәр Аҝентлији – АБНА: Демократија вә Рифаһ Партијасынын сәдри,
игтисадчы Губад Ибадоғлунун сәһһәтинин кәскин шәкилдә писләшдији дејилир. О, Бакы
Истинтаг Тәҹридханасында сахланылыр.
Сијасәтчинин гардашы Галиб Бајрамов билдириб ки, һәкимләр она аортанын ҝенишләнмәсини диагнозу гојублар. Аортанын партламасы өлүмлә нәтиҹәләнә биләр.
Галиб Бајрамовун сөзләринә ҝөрә, 13 ҝүндүр шәкәри вә ган тәзјиги нормадан хејли јүксәк олан игтисадчы сүрәтлә чәки итирир:
“Һәтта дәрманлары вахтында вә нормасында гәбул етсә белә, бунун һеч бир фајдасы олмајаҹаг. Чүнки һазырки сахланма шәраити илә сәһһәтиндәки јахшылашмадан данышмаг јерсиздир. Бу ҝедишлә өлүм риски гачылмаздыр”, - дејә Галиб Бајрамов белә јазыб.
О, бејнәлхалг вә јерли инсан һүгуглары тәшкилатларыны, өлкәдәки дипломатик корпуслары Губад Ибадоғлунун һәјатынын итирмәмәси үчүн сәјләрини әсирҝәмәмәјә чағырыб.
Хатырладаг ки, Азәрбајҹан Демократија вә Рифаһ Партијасынын рәһбәри Губад Ибадоғлу ијулун 23-дә сахланылыб, она гаршы Азәрбајҹан Ҹинајәт Мәҹәлләсинин 204 .3.1-ҹи маддәсилә (мүтәшәккил дәстә тәрәфиндән сатыш мәгсәди илә сахта пул, гијмәтли дөвләт кағызлары вә ја хариҹи валјута, јахуд хариҹи валјутада ифадә олунан гијмәтли кағызлары һазырлама, һабелә әлдә етмә вә ја сатма) иттиһам ирәли сүрүлүб. Бу маддә үзрә ону 8 илдән 12 иләдәк һәбс ҹәзасы тәһлүкәси ҝөзләјир. Ијулун 24-дә мәһкәмә истинтаг мүддәтиндә ону 4 ај һәбс едиб. Һүгуг-мүдафиә тәшкилатлары Ибадоғлуја гаршы тәгибләри писләјибләр вә онун азад олунмасыны тәләб едибләр.
Губад Ибадоғлу хариҹдәки азәрбајҹанлы мәмурларын әмлакынын мүсадирә едилмәси вә һәмин вәсаитләрин бу фонда көчүрүлмәси тәшәббүсү илә чыхыш едиб. О һәмчинин ишғалдан азад едилмиш әразиләрин бәрпасы ады алтында бүдҹәнин таландығыны, тендер кечирмәдән лајиһәләрин пај-пүшк едилдијини вә шәффафлығын тәмин олунмадығыны фактларла сүбута јетириб. Бу сәбәбдән игтисадчы алим сахланыларкән бирбаша Илһам Әлијевин әмрилә һәбс олундуғуну иддиа едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!