Сабунчу рајону, Савалан гәсәбәсиндә мәһәлләләрин бириндә 11 азјашлынын јүрүшүнү тәшкил едиб сосиал шәбәкәдә пајлашан шәхс һәбс олунуб.
Бу барәдә ДИН-ин мәтбуат хидмәтиндән билдирилиб.
Гејд едилир ки, “Дини етигад азадлығы һаггында” Азәрбајҹан Республикасынын ганунуна әсасән бүтүн дини мәрасимләр јалныз мәсҹид, зијарәтҝаһ вә онлара аид әразиләрдә кечирилмәлидир.
Дахили Ишләр Назирлији билдириб ки, ганунвериҹилијин тәләбләринә зидд олараг, ијулун 28-дә Сабунчу рајону Савалан гәсәбәсиндә мәһәлләләрин бириндә 11 азјашлынын јүрүшүнү тәшкил едиб сосиал шәбәкәдә пајлашан шәхс полис әмәкдашлары тәрәфиндән мүәјјән едилиб. Һәмин һәрәкәтләри едән 1991-ҹи ил тәвәллүдлү Мирзәјев Елҝүн Әфсәр оғлу һәбс едилиб.
342/