Данимаркада Ислам мүгәддәсләринә гаршы едилән һөрмәтсизлијин тәкрарланмасы фонунда бу өлкәнин хариҹи ишләр назири Ларс Локке Расмуссен чәршәнбә ҝүнү ахшам саатларында Иранын харихи ишләр назири Һүсејн Әмир Абдуллаһиан илә телефон даншығы апарыб.
Данимарка хариҹи ишләр назири Гурани-Кәримин тәһгир едилмәсиндән тәәссүфләндијини билдириб вә дејиб: “Данимарка мүгәддәс Гурани-Кәримә һөрмәтсизлик едән истәнилән һәрәкәти гәтијјәтлә писләјир”.
Расмуссен гејд едиб ки, Данимарка конститусијасынын әсас сүтуну сөз, дин вә динҹ нүмајиш азадлығы олса да, бәзиләри бундан суи-истифадә едир ки, онлар буну гәбуледилмәз һесаб едирләр”.
Данимарканын баш дипломаты әлавә едиб: “Һеч ким Данимарка халгынын Гурана һөрмәтсизлик едән азсајлы инсанлар кими олдуғуну дүшүнмәмәлидир”
Әмир Абдуллаһиан да өз нөвбәсиндә Данимарканын телефон данышығы тәшәббүсүнү вә Данимарка һөкумәтинин бу һәрәкәти гынајан мөвгејини тәгдирәлајиг адландырыб вә Гураны тәһгир едәнләрин ҹәзаландырылмасынын ваҹиблијини вурғулајыб.
Иранын али дипломаты сон вахтлар Гурани-Кәримин тәһгир олунмасы һалларыны писләјиб вә дејиб: “Сөз азадлығы елә бир шеј дејил ки, онун чәрчивәсиндә дини дәјәрләр һәдәфә алынсын вә һүҹума мәруз галсын. Буна ҝөрә дә, ҹаһиллик дөврүнүн хатирәсини јада салан бу ҹүр тәһгирамиз вә алчаг һәрәкәтләрин тәкрарланмасы ән сәрт шәкилдә писләнир”.
О, Гуранын тәһгир едилмәсинин тәкҹә мүсәлманларын дејил, һәм дә бүтүн Ибраһими динләрин ардыҹылларынын һиссләрини инҹитдијини вә бунун үчүн БМТ-нин бу јахынларда гәтнамә гәбул етдијини билдириб.
Иранлы назир даһа сонра дејиб: “Мүгәддәс Гурани-Кәримин тәһгир едилмәси кими мәнфур феноменин тәкрарланмасыны вә дипломатик каналлар васитәсилә Данимаркаја едилән хәбәрдарлыглары нәзәрә алараг, Данимарка һөкумәтиндән мәсулијјәт һисси илә вә тәгсиркарларын ағыр ҹәза илә мәсулијјәтә ҹәлб едилмәси үчүн тәсирли тәдбирләрин ҝөрүлмәси илә бу ҹүр давранышларын тәкрарланмасынын гаршысыны алмасы ҹидди шәкилдә ҝөзләнилир”.
Телефон данышығында тәрәфләр мөвҹуд икитәрәфли мүнасибәтләрин горунуб сахланылмасынын вә ҝүҹләндирилмәсинин ваҹиблијини вурғулајыблар.
342/