Түркијә президенти бу ҝөрүшдә Мәһәррәм ајы вә Һүсејн Ашурасынын ҝәлиб чатмасына ишарә илә/ Ашураны мүсәлманларын бәрабәрлији символу вә ислами ҹәмијјәтләрин бирлији үчүн бир фүрсәт адландырыб.
Түркијә президенти сонра Иран Ислам Республикасы илә Түркијә арасында мүхтәлиф һәмкарлыг зәминләринә тохунуб вә игтисади вә тиҹари һәмкарлыгларын ҝенишләндирилмәсинин өнәмини вурғулајыб.
Ики өлкә арасында отуз милјард долларлыг тиҹарәтин реаллашмасыны әлчатан адландыран Әрдоған ики өлкә рәсмиләринин тиҹарәт манеәләринин арадан галдырылмасы вә сөзүҝедән рәгәмин реаллашмасына сәј ҝөстәрмәләрини истәјиб.
Түркијә президенти һәмчинин исламофобија вә терроризмлә мүбаризә, еләҹә дә Ислам Дүнјасынын бирлији саһәләриндә ики өлкә һәмкарлыгларынын ҝенишләндирилмәсини истәјиб.
Рәҹәб Тајјып Әрдоған бу ҝөрүшдә Ислам Ингилабынын Бөјүк Рәһбәри вә Иран президентинә өз сәмими саламларыны тәгдим едиб.
Әрдоған һабелә ҹәнаб Рәисијә Түркијәјә сәфәр дәвәтинин едилмәсинә ишарә/ вә Түркијә хариҹи ишләр назиринин Теһрана олаҹаг гаршыдакы сәфәриндән разылыг ифадә едиб.
Иранын Анкарадакы јени сәфири- Мәһәммәд-Һәсән Һәбибуллаһзадә дә өз нөвбәсиндә Һүсејн Ашурасы ҝүнләри мүнасибәтилә башсағлығы вериб вә гаршылыглы мүнасибәтләрин ҝенишләндирилмәси үзрә програмларыны Түркијә президенти үчүн шәрһ едиб.
О, белә сөјләјиб: Ики өлкә органларынын әсас иш ҝүндәмләри, мүнасибәтләрин/ хүсусән игтисади вә тиҹари саһәләрдә ҝенишләндирилмәсидир. Ејни заманда, икитәрәфли, реҝионал вә бејнәлхалг сијаси мәсәләләрдә әмәкдашлыг вә мәшвәрәт дә/ тәгиб едиләҹәк ән мүһүм мөвзулардан олаҹагдыр.
Һәбибуллаһзадә ики өлкәнин терроризмлә мүбаризә, һабелә Ислам Дүнјасы, Фәләстин, Гафгаз, дөрдтәрәфли диалоглар, Астана просеси дә дахил олмагла сијаси саһәдәки мәшвәрәт вә һәмкарлыглары үзрә ҝениш спектрә ишарә/ вә ики мүһүм өлкә олан Иран вә Түркијәнин реҝионал мәсәләләр барәдәки анлашмаларынын дәринләшдирилмәсинә тәкид едиб.
Гурани-Кәримә һөрмәтсизлик гаршысында бир груп ислами өлкәнин, о сырадан Иран вә Түркијәнин бирҝә мөвгеләрини јүксәк дәјәрләндирән Иран сәфири дини мүгәддәсләрә гаршы һөрмәтсизлик вә исламофобија просеси илә мүбаризә үчүн мүсәлманларын бирлик вә һәмрәјликләринин ҝүҹләндирилмәсини зәрури адландырыб.
342/