Әһмәд Вәһиди вә Һиҹаби Кырлангыч чәршәнбә ҝүнү Теһранда ҝөрүшүб, данышыглар апарыблар.
Әһмәд Вәһиди бу ҝөрүшдә ики өлкә арасында мөвҹуд әлагәләр вә разылашмалары хатырладыб вә хариҹи өлкә вәтәндашлары, мүтәшәккил ҹинајәтларлыгла мүбаризә вә силаһ гачагмалчылығы кими мәсәләләрдә әмәкдашлығын артырылмасынын ваҹиблијини вурғулајыб.
Вәһиди, һәмчинин Иран вә Түркијә әлагәләринин ҝүҹләнмәсини реҝион вә Ислам дүнјасынын хејринә һесаб едиб вә әлавә едиб ки, ики өлкә арасында әлагәләрин һәртәрәфли инкишафы реҝионда сүлһ вә сабитлик мүһитини јајаҹаг вә халгларын бир-бири илә даһа чох тәмас вә әлагәләр гурмасына јол ачаҹаг".
Иранлы назир Араз чајы мәсәләсинин әһәмијјәтини вурғулајараг, ики өлкәнин сәрһәд вилајәтләри арасында әлагәләрин инкишафы үчүн ишчи групунун јарадылмасыны тәклиф едиб.
Вәһиди сон вахтлар Исвеч вә Данимаркада Гурани-Кәримин тәһгир олунмасына тохунараг, дејиб: "Гуран-а һөрмәтсизлик, бүтүн илаһи динләрә һөрмәтсизликдир. Иран вә Түркијә Ислам дүнјасы вә реҝионун ики мүһүм ганадыдыр, амма Гәрб вә АБШ Ислам дүнјасынын инкишаф етмәсини истәмир".
О, сөһбәтинин башга бир һиссәсиндә реҝионда хариҹи өлкәләрин мөвҹудлуғуну гејри-сабитлијин сәбәби кими гијмәтләндирәрәк, вурғулајыб ки, реҝион дөвләтләри хариҹи өлкәләрә еһтијаҹ дујмадан мөвҹуд әлагәләри ҝүҹләндирмәклә реҝионал проблемләри һәлл етмәјә чалышмалыдырлар.
Һиҹаби Кырланҝыч исә өз нөвбәсиндә билдириб ки, Түркијә илә Иран арасында әлагәләрин тарихи, мәдәни вә әнәнәви ортаглыглара ҝөрә узунмүддәтли вә достлуг мүнасибәтләри олдуғуну гејд едиб.
Түркијә сәфири өлкәсинин Иран илә мүхтәлиф саһәләрдә әмәкдашлығынын ҝенишләндирилмәсинин ваҹиблијини вурғулајыб.
О, һәмчинин сәрһәд тиҹарәти, тәһлүкәсизлик, вәтәндашларын ҝедиш-ҝәлиши вә терроризмлә мүбаризәдә гаршылыглы фәалијјәти ҝүҹләндирмәјә чағырыб.
Һиҹаби Кырлангыч, һәмчинин бу илин әввәлиндә баш вермиш зәлзәлә заманы Түркијә һөкумәтинә вә халгына көмәк етдијинә ҝөрә Иран Ислам Республикасына тәшәккүр едиб.