Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Исвечдә Гурани-Кәримин
икинҹи дәфә тәһгир олунмасы илә бағлы Һүсејн Әмир Абдуллаһиан 21:00 хәбәр каналына
дејиб:
“Бу ҝүн ҝүнортадан сонра Исвечдә Гурани-Кәримин тәһгир олунмасы илә бағлы мәсәләјә мүвафиг ҹавабы нәзәрдән кечирмәк үчүн хариҹи ишләр назирләринин мүавинләри арасында нөвбәдәнкәнар сијаси ҝөрүш кечирдик.
Истәрдим ки, сојдашларымыз билсинләр ки, Исвеч сәфиринин Теһрандакы миссијасы баша чатыб вә ҹәнаб Рәисинин әмри илә Исвеч һөкумәти ҹидди тәдбир ҝөрмәјинҹә Исвечин јени сәфирини гәбул етмәјәҹәјик вә Иранын јени сәфири бу өлкәјә ҝөндәрилмәјәҹәк...
Бу ҝүн Исвечин хариҹи ишләр назири зәнҝ етди вә бу һәрәкәти писләјәркән мәндән доктор Раисијә Исвечин мөвгејини билдирмәјими хаһиш етди. Мән она дедим ки, сиз ики милјард мүсәлманын иҹтимаи рәјинә етинасыз гала билмәзсиниз. Мән вурғуладым ки, Исвеч Хариҹи Ишләр Назирлијинин бәјанаты јетәрли дејил вә ҹинајәти төрәдән шәхс тутулараг мүһакимә олунмалыдыр...”
Диггәт: Хәбәрдән Истифадә Етдикдә Мәнбәјә Истинад Лазымдыр!