Түркијә 2021-ҹи илдә 44 ҝүнлүк Дағлыг Гарабағ мүһарибәсиндә Азәрбајҹан Республикасына дәстәк вериб. Мүһарибә Русијанын васитәчилији илә баша чатды, лакин Анкаранын мүһарибәдә Бакыја там һәрби дәстәк вермәси Түркијә илә Ермәнистан арасында мүнасибәтләрә мәнфи тәсир ҝөстәрди.
Мүһарибәдән сонра Ермәнистан, Түркијә вә Азәрбајҹан Республикасы арасында мүнасибәтләрин нормаллашмасына ҹәһдләр едилиб . Амма индијәдәк Азәрбајҹан вә Ермәнистан гүввәләри арасында сәрһәд мүнагишәләри вә тәбии ки, Гарабағ мүһарибәсиндә Түркијәдән ермәни халгынын аҹы хатирәси кими мүхтәлиф сәбәбләр бу просесин ҝедишини ләнҝидиб. Експертләрин фикринҹә, Ермәнистан-Азәрбајҹан-Түркијә мүнасибәтләри нормаллашмадан сүлһ вә сабитлик бәргәрар етмәк истәји реаллашмајаҹаг вә ола билсин ки, бу сәбәбдән һәр үч өлкәнин һакимијјәт органлары ара-сыра мүнасибәтләри јахшылашдырмаг истәкләрини билдирирләр.
Ермәнистанын хариҹи ишләр назири Арарат Мирзојан чәршәнбә ҝүнү билдириб ки, фасиләдән сонра Түркијә илә мүнасибәтләрин нормаллашдырылмасы илә бағлы данышыглары давам етдирмәјин вахты ҝәлиб чатыб.
“Һесаб едирәм ки, бу, Түркијәдәки сечки кампанијасы илә бағлы иди, лакин инди мүнасибәтләрин нормаллашдырылмасы үзрә данышыглары давам етдирмәјин вахты чатыб. Һәр ики тәрәф јекун вә там нормаллашма јолунда олдуғуну ҝөстәрмәк үчүн конкрет аддымлар ата биләр”, - А.Мирзојан билдириб.
О, белә мүмкүн аддымлар сырасында дипломатик мүнасибәтләрин гурулмасыны вә сәрһәдләрин илк нөвбәдә үчүнҹү өлкә вәтәндашлары, еләҹә дә дипломатик паспортлара малик Ермәнистан вә Түркијә вәтәндашлары үчүн ачылмасыны гејд едиб. “Бир сыра диҝәр лајиһәләр дә мүзакирә олунур. Лакин һәләлик диалогун давам етдирилмәси үчүн конкрет тарихләр јохдур”, - А.Мирзојан гејд едиб.
Мүшаһидәчиләрин фикринҹә, мај ајында кечирилән президент сечкиләриндән сонра Түркијә президенти Рәҹәб Тајјиб Әрдоғанын андичмә мәрасиминдә Ермәнистанын баш назири Никол Пашинјанын иштиракы Ирәван вә Анкаранын ики өлкә арасында мүнасибәтләрин нормаллашмасы истигамәтиндә ирәлиләјишә наил олмаг истәјини тәсдигләјиб.
342/