Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, АБШ мүдафиә
назиринин кечмиш мүшавири Дуглас Макгрегор билдириб ки, Вашингтон ҝеҹ-тез Русијанын
тәләбләри илә Украјнадакы мүһарибәјә сон гојаҹаг вә Украјна президенти Владимир
Зеленскинин марагларына мәһәл гојмајаҹаг.
О, бу сөзләри мүсаһибәси заманы дејиб: “АБШ президенти Москваја месаж ҝөндәрәрәк бүтүн һәрби бирләшмәләрин ҝери чәкиләҹәјини вә Украјна силаһлы гүввәләринә силаһ-сурсатын чатдырылмасынын дајандырылаҹағыны билдирәндә Украјнада мүһарибә баша чатаҹаг”.
АБШ мүдафиә назиринин кечмиш мүшавири әлавә едиб: “Украјна бөһранынын нәтиҹәсини Русија вә АБШ арасында данышыглар мүәјјән едәҹәк”.
Макгрегор деди: “Ағ Ев, Зеленскинин ҝөзләнтиләринин әксинә олараг, Украјнанын итирдији торпагларын Русија торпагларына чеврилдијини анлајаҹаг”.
О әлавә етди: “Зеленскинин ән чох горхдуғу будур, чүнки бу, Зеленскијә верилән бүтүн вәдләрә зиддир, мәһз бу вәдләрә ҝөрә дә бир чох украјналы ону өлкә дахилиндә дәстәкләјиб”.
Пентагонун сабиг мүшавири һесаб едир ки, Украјна президенти чох чәтин вәзијјәтдәдир, чүнки Украјна гүввәләри ағыр иткиләр вериб вә һазырда харабалыға чеврилиб.
Макгрегор даһа сонра дејиб: “Һазырда Русија Вашингтонун дүшүндүјүндән гат-гат ҝүҹлү олуб, она ҝөрә дә Москва мүнагишәнин битмәсинин шәртләрини мүәјјән едәҹәк тәрәф олаҹаг”.
Гејд едәк ки, бундан әввәл Гәрб өлкәләринин мәтбуаты Украјнанын әкс-һүҹумларынын илк ики һәфтәсиндә Кијевин дөјүш мејданына ҝөндәрдији силаһларын ән азы 20%-нин мәһв едилдијини ачыгламышды.
Америка вә Авропа рәсмиләринин ады чәкилән бу һесабатда белә дејилир:
“Украјнанын сәрт әкс-һүҹум әмәлијјатынын башладығы илк ики һәфтә әрзиндә Кијевин дөјүш мејданына ҝөндәрдији силаһларын 20 фаизә гәдәри мәһв едилиб, о ҹүмләдән Гәрб өлкәләриндән бир сыра зиреһли транспортјорлар, танклар вә зиреһли машынлар”.
Диггәт: Хәбәрдән Истифадә Етдикдә Мәнбәјә Истинад Лазымдыр!