Исвечин НАТО-ја үзвлүјү үстүндә бир чох сијаси чәкишмәләр вә Түркијәнин мүхалифәтиндән сонра нәһајәт Түркијә президенти Рәҹәб Тајјып Әрдоған Исвечин НАТО-ја үзвлүјү илә разылашды.
Авропа Бирлијинин бәзи үзвләри бу гәнаәтдәдирләр ки, Әрдоғанын бирлијә үзвлүк мүзакирәләринин јенидән башланмасы үзрә һазыркы исрары игтисади бөһранда көкләрә маликдир.
Әрдоған бу бөһраны Авропа Бирлијинә үзвлүклә һәлл етмәјә чалышса да, Түркијәдә һаким Әдаләт вә Инкишаф Партијасынын һазыркы сијасәтләри вә һазыркы дуруму илә// бирлик бүтүн гапы-баҹалары Түркијә илә диалогун үзүнә бағлајыбдыр.
Алманија Әрдоғанын сөзләринә реаксија верән илк Авропа өлкәси олду вә билдирди ки, Әрдоғанын мөвгеләри вә Исвечин НАТО-ја үзвлүјүнү Түркијәнин Авропа Бирлијинә үзвлүјү илә мүгајисә етмәси, дәхли олмајан бир мәсәләдир вә бу мәсәләләри бир-бириләри илә гарышдырмаг олмаз.
Авропа Парламентиндә Түркијә үзрә мәрузәчи Начо Санчес Амор да бир даһа Әрдоған һөкумәтинин сијасәтләрини тәнгид етди вә белә деди: Түркијә билмәлидир ки, Авропа Бирлијинә гошулмаг үчүн һеч бир кәсмә јол јохдур. Истигамәт мәлумдур; дәфәләрлә дедијимиз кими, Түркијә Копенһаҝен мејарларына риајәт етмәлидир.
Италијанын ифратчы-сағчы баш назири Ҹорҹа Мелони дә дејибдир ки, Түркијәнин Авропа Бирлијинә үзвлүјү мәсәләси һал-һазырда приоритет дејил вә ҝүндәмдә дурмур вә бу өлкә һәлә дә Авропа Бирлијиндән чох узагдыр.