Хатырладаг ки, Русија, Түркијә, Украјна вә БМТ нүмајәндәләри тәрәфиндән 2022-ҹи ил ијулун 22-дә имзаланан “Тахыл сазиши” Украјна тахылынын Гара дәниз васитәсилә ихраҹыны нәзәрдә тутур.
Бу мүгавиләнин мүддәти илкин олараг 120 ҝүн һесаб олунурду, бу мүддәт өтән илин нојабрында ејни мүддәтә узадылыб. 2023-ҹү ил мартын 18-дә Русија мүгавиләнин даһа 60 ҝүн узадылдығыны елан етди.
Өтән ај Русија јенидән Гара дәниз тахыл сазишинин мүддәтинин ики ај узадылмасына разылыг вериб, лакин хәбәрдарлыг едиб ки, Русија ҝүбрәләри вә тахылларынын ихраҹына манеәләрин арадан галдырылмасы илә бағлы разылыг әлдә олунмаса, бу тәшәббүс дајандырылаҹаг.
“Реутерс”ин мәлуматына ҝөрә, Түркијә президенти Рәҹәб Тајјиб Әрдоған журналистләрә ачыгламасында дејиб: Үмид едирик ки, Бирләшмиш Милләтләр Тәшкилатынын васитәчилији илә әлдә олунан разылашма ијулун 17-дән узадылсын.
“Реутерс” ҹүмә ахшамы АИ рәсмисинә истинадән билдириб ки, Авропа Комиссијасы, Түркијә вә БМТ тахыл сазишини узатмаға чалышыр вә бүтүн мөвҹуд вариантлары арашдырыр.
Русија вә Украјна дүнјада ики әсас тахыл истеһсал едән өлкәләрдир.
342/