Путинин хүсуси нүмајәндәси Михаил Богданов Фарс Көрфәзи Әмәкдашлыг Шурасына үзв өлкәләрин хариҹи ишләр назирләри илә Русија хариҹи ишләр назиринин бирҝә иҹласындан сонра ачыгланан јекун бәјанатла бағлы Ирандан ҝәлән етиразлара ҹаваб вериб вә Русијанын Иранын суверенлијинә һөрмәт етдијини вурғулајыб.
О, Русија Федерасијасынын Иранын әрази бүтөвлүјүнә һөрмәт едән дост өлкә олдуғуну билдириб.
Иран Ислам Республикасынын Москвадакы сәфири Казым Ҹәлали Русија президенти Владимир Путинин Јахын Шәрг вә Африка үзрә хүсуси нүмајәндәси вә хариҹи ишләр назиринин мүавини Михаил Богданов илә ҝөрүшүб. Бу ҝөрүшдә мүхтәлиф мәсәләләр, хүсусилә Иран Ислам Республикасы илә Русија Федерасијасы арасында икитәрәфли мүнасибәтләрин сон вәзијјәти мүзакирә едилиб.
Сөзү ҝедән ҝөрүшдә Русија тәрәфи, Иранын Фарс Көрфәзи Әмәкдашлыг Шурасына үзв өлкәләрин хариҹи ишләр назирләри илә Русијанын сон бирҝә иҹласындан сонра вердији бәјаната мүнасибәтдә Иранын етдији етиразлара ҹаваб олараг о, Русијанын Иранын суверенлији вә әрази бүтөвлүјүнә һөрмәт едән дост өлкә олдуғуну билдириб.
342/