Иран Ислам Республикасынын Бакыдакы сәфири Сејид Аббас Мусәви вә Азәрбајҹан Республикасы Хариҹи Ишләр Назиринин мүавини Фариз Рзајев икитәрәфли мүнасибәтләрдә, хүсусилә консуллуг саһәсиндә сон һадисәләри, Азәрбајҹан Республикасында јашајан иранлылары вә бу өлкәдәки иранлы мәһбусларын сон вәзијјәтини мүзакирә едәрәк ики өлкәни марагландыран диҝәр мөвзулар әтрафында да фикир мүбадиләси апарыблар.
Иранын Бакыдакы сәфири бу јахынларда Азәрбајҹан Республикасы Дөвләт Ҝөмрүк Комитәсинин јени рәһбәри илә ҝөрүшүндә ики өлкәнин ҝөмрүк органлары арасында, о ҹүмләдән дөрд сәрһәд бөлҝәсиндә даһа сых әмәкдашлыг просесини нәзәрдән кечириб.
Гејд едәк ки, Азәрбајҹан Республикасы сон илләрдә Иранла мүхтәлиф саһәләрдә әмәкдашлығы ҝенишләндирмәк истәјән Иранын гоншуларындан биридир.
Иран вә Азәрбајҹан Республикасы арасында мүнасибәтләр 28 нојабр 2021-ҹи илдә Ашгабадда Игтисади Әмәкдашлыг Тәшкилатынын (ЕҸО) саммити чәрчивәсиндә ики өлкә президентләринин ҝөрүшүндән сонра јени сүрәт газаныб.
Лакин 2023-ҹү ил јанварын 27-дә Азәрбајҹан Республикасынын Теһрандакы сәфирлијинә силаһлы шәхс тәрәфиндән шәхси мотивасија илә бир нәфәрин өлүмү вә бу сәфирлијин ики әмәкдашынын јараланмасы илә нәтиҹәләнән һүҹумдан сонра Азәрбајҹан Республикасы дөвләти бу өлкәнин Теһрандакы сәфирлијинин фәалијјәтини дајандырыб вә дипломатларыны Бакыја гајтарыб.
Әлбәтдә, Азәрбајҹан Республикасынын Тәбриздәки Баш Консуллуғу фәалијјәтини давам етдирир.
Иранын хариҹи ишләр назири Һүсејн Әмир-Абдоллаһиан да Гошулмама Һәрәкатына үзв өлкәләрин хариҹи ишләр назирләринин топлантысында иштирак етмәк үчүн сон Бакы сәфәри заманы иҹлас чәрчивәсиндә Азәрбајҹан Республикасынын президенти Илһам Әлијев вә хариҹи ишләр назири Ҹиһон Бајрамовла ҝөрүшүб вә сөһбәт едиб.
342/