"Ҹһина Даилј"-дә дәрҹ олунан мәгаләнин мүәллифи гејд едиб ки, НАТО "сојуг мүһарибәнин мирасы" олмагла, тез-тез бүтүн дүнјада реҝионал ҝәрҝинлик вә мүнагишәләрә сәбәб олур. О, Русијаја шәргә доғру ҝенишләнмәмәк барәдә вердији вәди позараг алјанса јени үзвләрин гәбулу үчүн данышыглары давам етдирир.
Мәгаләдә гејд олунуб ки, Русија-Украјна мүнагишәси, "НАТО-нун Русијанын стратежи мәканыны азалтмаг үзрә давам едән сәјләринин" нәтиҹәсидир.
Мәгаләдә дејилир: "Финландијанын НАТО-ја дахил олмасы Авропанын сијаси вә ҝеосијаси мәнзәрәсини әсаслы шәкилдә дәјишиб вә глобал тәһлүкәсизлик вәзијјәтинә јан тәсир ҝөстәрәҹәк".
Финландија вә Исвеч 2022-ҹи илин мајында Украјнада баш верән һадисәләр фонунда алјанса гошулмаг үчүн мүраҹиәт едибләр. Финландија апрелин 4-дә НАТО-нун 31-ҹи үзвү олду. Исвечин мүраҹиәти бу ҝүнәҹән Маҹарыстан вә Түркијә тәрәфиндән тәсдигләнмәјиб.
Мүәллифин сөзләринә ҝөрә, Финландијанын НАТО-ја дахил олмасы вә Исвечин јахынлашан үзвлүјү, бәзи өлкәләр үчүн һәрби битәрәфлијин сону, Балтик реҝионунда "сојуг сүлһүн" сону демәкдир.
"Бу, ејни заманда АИ илә Русија арасында гаршыдурманын ҝүҹләнмәси демәкдир ки, бу да гитәнин даһа да парчаланмасына сәбәб олаҹаг", - мәтндә белә дејилир.
Мүәллифин фикринҹә, Финландијанын гәбулу вә ҝәләҹәкдә Исвечин НАТО-ја дахил олмасы һәм дә алјансын шәргә доғру, Асија-Сакит океан реҝионуна ҝенишләнмәсинә тәкан верәҹәк.
"Бу, нә Авропа, нә Аврасија, нә дә Асија-Сакит Океан реҝиону үчүн јахшы һеч нә вәд етмир, реҝионда гаршыдурма вә мүнагишәләрин артмасына сәбәб ола биләр", - дејә мүәллиф сөзүнү јекунлашдырыб.
Ијулун 11-12-дә Вилнүсдә НАТО-нун саммити кечирилир. Бу саммитдә алјансын бүтүн өлкәләринин лидерләри, о ҹүмләдән АБШ Президенти Ҹо Бајден иштирак едир. Бундан әввәл АБШ-ын милли тәһлүкәсизлик үзрә мүшавири Ҹејк Салливан алјансын Вилнүсдә кечириләҹәк саммитиндә Украјнанын НАТО-ја үзв олмајаҹағыны билдирмишди. НАТО-нун баш катиби Јенс Столтенберг ијунун 19-да билдириб ки, саммитдә вә она һазырлыг заманы мүттәфигләр Украјнаја рәсми дәвәт мәсәләсини мүзакирә етмирләр, Кијеви алјанса гошулмаға даһа да јахынлашдыраҹаг гәрарларла бағлы мәсләһәтләшмәләр апарырлар.