Дмитри Песков Гәрб тәрәфиндән Украјнаја бомба вә сурсатларын һәр һансы тәгдими вә онлардан мүһарибә мејданында истифадә барәдә бир даһа хәбәрдарлыг едиб.
Песков тәһлүкәсизлик зәманәтләри һагда белә сөјләјиб: Бу һәрәкәт бир сәһвдир вә еһтимал үзрә сон дәрәҹә тәһлүкәлидир, зира Украјнаја тәһлүкәсизлик зәманәтләринин верилмәси, тәһлүкәсизлик саһәсиндәки бејнәлхалг принсипләри тәсирли сурәтдә ҝөрмәмәзлијә вураҹаг. Бундан башга, Украјнаја тәһлүкәсизлик зәманәтләринин верилмәси, Русијанын тәһлүкәсизлијинә тәҹавүз сајылыр. Бу мәсәлә мүмкүнсүздүр. Бу, јахын вә узаг перспективдә мәнфи инсани нәтиҹәләрә ҝәтириб чыхараҹаг.
Песков Кремлдә кечирдији мәтбуат конфрансында һәмчинин хәбәрдарлыг едиб ки: Әҝәр Украјна кассет бомбалардан истифадә едәрсә, ҹаваб тәдбирләри ҝөрәҹәјик.
О, Литвада кечирилән НАТО саммитинин нәтиҹәләри барәдә белә дејиб: Гәрбин Украјнаја тәһлүкәсизлик зәманәтләри Авропаны даһа тәһлүкәли бир мәкана чевирәҹәк.
Кремлин сөзчүсү мәсәләјә белә ајдынлыг ҝәтириб: НАТО, сәбатсызлыг вә тәҹавүзчүлүк ҝәтирән һүҹумчу бир алјансдыр. Украјнаја һәр һансы тәһлүкәсизлик зәманәтинин верилмәси, олдугҹа јанлыш вә тәһлүкәли бир һәрәкәтдир. Кијевә кассет сурсатларынын тәгдими дә мүһарибә мејданынын вәзијјәтини дәјишәҹәк вә Русијаны ҹаваб тәдбирләри ҝөрмәјә мәҹбур едәҹәк.
Песков Русија президенти Владимир Путинин Чинә еһтимал едилән сәфәри барәдәки суалын ҹавабында да билдирибдир ки: Бу сәфәр ҝүндәмдә дурур вә онун тарихи разылашдырылмалыдыр.
О, бу һагда әлавә едиб: Путинин Чинә олаҹаг сәфәриндә, мүзакирәләрин истигамәтләри илк нөвбәдә, тиҹари вә игтисади әмәкдашлыглар вә дүнјанын дуруму олаҹаг. Русија вә Чинин һәмкарлығы үчүнҹү өлкәләрә гаршы олмајыб вә олмајаҹагдыр да. Бу әлагәләр реҝиона сүлһ вә сабитлик ҝәтирәҹәк.
342/