Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән,Русија вә Фарс
Көрфәзи Әмәкдашлыг Шурасына үзв дөвләтләрин хариҹи ишләр назирләри арасында Иранын
үч адасы Әбу Муса, Бөјүк Тонб вә Кичик Тонбла бағлы стратежи данышыгларын алтынҹы
раундунун јекун бәјанатында јер алан мәзмундан сонра, бу ҝүн сәһәр Русија Федерасијасынын
Теһрандакы сәфири Фарс Көрфәзинин баш директору вә назир көмәкчиси Әли Рза Инајәти
тәрәфиндән Иран Ислам Республикасынын Хариҹи Ишләр Назирлијинә чағырылыб вә рәсми
Теһранын јухарыда гејд олунан бәјанатын мәзмунуна етиразлары Русија Федерасијасынын
өлкәмиздәки сәфиринә чатдырылыб.
Бу ҝөрүшдә назир көмәкчиси вә Хариҹи Ишләр Назирлијинин Фарс көрфәзинин баш директору Иранын үч адасы Әбу Мусанын, Бөјүк Тонб вә Кичик Тонбун әбәди мәнсубијјәтини вурғулајараг, Русија Федерасијасынын бу мәсәләдә өлкәмизә гаршы мөвгејини дүзәлтмәјә чағырыб.
Русијанын Иран Ислам Республикасындакы сәфири өлкәмизин әрази бүтөвлүјүнә һөрмәтлә јанашдығыны вурғулајараг, мәсәләни ән гыса заманда Москваја чатдыраҹағыны билдириб.
Гејд едәк ки, базар ертәси Москвада Оманын хариҹи ишләр назири вә Әмәкдашлыг Шурасынын баш катибинин иштиракы илә Русија илә Көрфәз Әмәкдашлыг Шурасы өлкәләри арасында стратежи диалог ҝөрүшү кечирилиб.
Бу ҝөрүшдән сонра Фарс Көрфәзи Әмәкдашлыг Шурасы вә Русија бирҝә бәјанат јајыб. Бәјанатын бир һиссәсиндә Иранын үч адасы илә бағлы тәкрар иддиалар бир даһа ҝүндәмә ҝәтирилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!