Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Иран Ислам
Республикасынын Хариҹи Ишләр Назирлијинин сөзчүсү Насир Кәнани Араш нефт-газ јатағы
илә бағлы сәрсәм мүзакирәләрә ҹаваб олараг дејиб:
“Бу мәсәлә дәниз сәрһәдләринин делимитасијасы илә јанашы, Иран вә Күвејтин мүзакирә етдији мөвзулардан бири олуб вә бунунла бағлы һүгуги вә техники данышыгларын сонунҹу раунду 13 март 2023-ҹи илдә, Теһранда, Иран вә Күвејт нүмајәндә һејәтләри арасында һәр ики тәрәфин хариҹи ишләр назирликләринин јүксәк сәвијјәли менеҹерләри сәвијјәсиндә кечирилиб.”
Иран Ислам Республикасынын Хариҹи Ишләр Назирлијинин сөзчүсү әлавә едиб:
“Күвејт дә дахил олмагла бүтүн гоншуларла үмуми мараглар вә меһрибан гоншулуг принсипи нәзәрә алынмагла дәниз сәрһәдләринин делимитасијасы вә үмуми карбоһидроҝен еһтијатларынын истисмары илә бағлы мәсәләләр Иран Ислам Республикасыны һәмишә нараһат едиб.”
Кәнани сонда вурғулајыб:
“13-ҹү һөкумәтин сијасәти диалог, әмәкдашлыг вә тәрәфдашлыг үзәриндә гурулуб вә фимабејн-икитәрәфл мәсәләләр бу чәрчивәдә давам етдириләҹәк.”
Диггәт: Хәбәрдән Истифадә Етдикдә Мәнбәјә Истинад Лазымдыр!