Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Алманијанын “Ыслам Еҹһо” сајты бу өлкәнин ҹәнуб-гәрбиндә
јерләшән Мәсҹидин гаршысында Гурани-Кәримин тәһгир олундуғуну билдириб.
Шәнбә ҝүнү сәһәр Алманијанын Баден-Вүртемберг әјаләтинин Маулбрунн шәһәриндәки Мемар Синан Мәсҹидинин мүшаһидә камералары автомобил идарә едән сүрүҹү тәрәфиндән јандырылмыш Гуранын Мәсҹид гаршысына атмасы гејдә алыныб.
Сүбһ намазыны гылмаг үчүн Мәсҹидә ҝедән инсанлар бу јандырылмыш Гуранла гаршылашыблар вә камера ҝөрүнтүләринә бахдыгдан сонра полисә шикајәт едибләр.
Алман полиси, автомобилин дөвләт нөмрә нишаныны камералар васитәсилә мүәјјән етмәјин мүмкүн олмадығыны, ејни заманда полисин мәсәләни арашдырдығны ачыглајыб.
Мәркәзи офиси Көлндә олан вә мүсәлман иҹмасы илә бағлы хәбәрләри алманҹа дәрҹ едән Ислам Еҹһо хәбәр сајтынын мәлуматына ҝөрә, 2022-ҹи илдә Алманијада мүсәлманлара вә Ислам мәркәзләринә 569 һүҹум едилиб.
Гејри-рәсми статистикаја ҝөрә, бу өлкәдә 4,7 милјона јахын мүсәлман јашајыр.
Диггәт: Хәбәрдән Истифадә Етдикдә Мәнбәјә Истинад Лазымдыр!