Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Бәһрејн Инсан
Һаглары Мәркәзи ијун ајында Бәһрејнин мүхтәлиф бөлҝәләриндә 120 инсан һаглары позунтусунун
баш вердијини ачыглајыб.
Гејд олунан мәркәз ајлыг һесабатында елан едиб ки, инсан һагларынын позулмасы актларына тәһлүкәсизликлә бағлы хәбәрдарлыглар, јашајыш евләринә басгынлар, 15-дән чох бөлҝәдә, хүсусән дә “Әл-Драз” вә “Әс-Сәнәбс” рајонларында нәзарәт-бурахылыш мәнтәгәләринин јарадылмасы кими позунтулар дахилдир, һалбуки Бәһрејн һакимијјәти 15 нәфәри диндирикмәјә чағырыб, 8 нәфәри исә һәбс едиб.
Инсан һаглары тәшкилатынын һесабатына әсасән, Бәһрејнин мүхтәлиф бөлҝәләриндә инсанлар шәһидләр, сијаси хадимләр вә мәһбусларла һәмрәјлик үчүн 40 дәфә топлашараг јүрүш кечирибләр.
Бәһрејн Инсан Һаглары Мәркәзи бәјан едиб ки, сон бир ај әрзиндә Бәһрејндә дин зәмининдә хејли позунтулар гејдә алыныб вә бу, шиә вәтәндашларын әзијјәт чәкмәсинә сәбәб олуб.
Позунтулар арасында ән мүһүмү Бәһрејн тәһлүкәсизлик органларынын, ијунун 8-дә, ҹүмә намазы гылмасына мане олмаг, еләҹә дә Бәһрејнин Шиә Руһаниси Шејх Фазил әл-Зәкинин чыхышынын гаршысыны алмаг олуб.
Өтән илләрдә Бәһрејн шиәләринин мәнәви лидери Ајәтуллаһ Шејх Иса Әһмәд Гасимин ев дустаглығы битмәздән әввәл Әл-Драз гәсәбәсиндә онун ҝедиш-ҝәлиш азадлығына мәһдудијјәтләр гојулмушдур.
Инсан һаглары мәркәзинин һесабатына ҝөрә, ијун ајында Сә`сәә бин Соһан әл-Абди зијарәтҝаһы вәһһаби әгидәли ганунсуз Хәлифә сүлалә режими тәрәфиндән бағланыб.
Бәһрејнин “Вифаге Милли Ислами” ҹәмијјәти вә халг бу түрбәнин бәрпасы вә јенидән ачылмасы үчүн медиа кампанијасы башладыб.
Бәһрејн Инсан Һаглары Мәркәзи Бәһрејндә сијаси мәһбусларын вәзијјәтинин писләшмәсинә ишарә едиб вә дејиб: “Жо” вә “Һоз әл-Ҹәф” һәбсханаларында ики ил аҹлыг аксијасы кечирән бәһрејнли “Абдул Ҹәлил Әл-Сенкис”лә ҝөрүшләрин вә зәнҝләрин дајандырылмасы, һабелә она гаршы тибби сәһләнкарлыг да дахил олмагла, хошаҝәлмәз һадисәләрин шаһиди олур.
Бу һесабатын давамында билдирилир ки, Ҹо мәркәзи һәбсхана рәһбәрлији 14 сајлы бинада мәһбуслары сыхышдырмаг үчүн онлары телфон әлагәләри сахламагдан вә аиләләри илә ҝөрүшмәкдән мәһрум едиб. Бу исә о демәкдир ки, Шејх Мирзә Әл Маһросун ики ардыҹыл аҹлыг аксијасы кечирмәсинә әһәмијјәт верилмәмәсидир.
Һесабатда һәмчинин билдирилир ки, Ҹо һәбсханасындакы мәһбусларын изтираблары давам едир, онларын азадлыглары үчүн аҹлыг аксијалары кечирмәсинә диггәт јетирилмир вә һәтта мәһбуслар елементар һүгугларыны тәләб етмәјә белә гадир дејилдиләр.
Бәһрејн Инсан Һаглары Мәркәзи БМТ-јә үзв дөвләтләри Бәһрејн һакимијјәтинә тәзјиг ҝөстәрмәјә чағырыб вә Бәһрејндә ишҝәнҹә гурбанларына вә бу ҝүн һәбсханаларда етираф алмаг үчүн ишҝәнҹәләрә мәруз галан минләрлә инсаны дәстәк вермәкләрини тәләб едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!