Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Инҝилтәрәнин
Иран Ислам Республикасына давам едән дағыдыҹы вә мүдахиләчи һәрәкәтләринә вә бәјанатларына
ҹаваб олараг, Гәрби Авропанын баш директору тәрәфиндән Британијанын Теһрандакы сәфирлијинин
мүвәггәти ишләр вәкили ханым Елизабет Марш Хариҹи Ишләр Назирлијинә чағырылыб.
Гәрби Авропанын баш директору Британија һакимијјәтинин бәјанат вә мөвгеләрини, еләҹә дә бу режимин Ирана гаршы сон санксијаларыны гејри-гануни вә мүдахиләчи һәрәкәт кими гијмәтләндириб вә буну гәти шәкилдә писләјиб.
О әлавә едиб: “Иран халгы Британијада јерләшән дүшмән медиасынын Иран халгына гаршы зоракылығын тәблиғиндәки ролуну унутмамышдыр. Инҝилтәрәнин бүтүн бунлара ҹаваб вермәк әвәзинә иттиһам просесини давам етдирмәси тәәҹҹүблүдүр.”
Гәрби Авропанын баш директору дејиб:
“Биз Британија һакимијјәт органларына кечмиш тәҹрүбәләрә нәзәр салараг, сионист режим вә террорчу групларын мәлум тәләләринә дүшмәмәји төвсијә едирик.”
Гәрби Авропанын баш директору дејиб:
“Инҝилтәрәнин дағыдыҹы јанашмасынын давам етдирмәси гәбуледилмәздир. О, мүтләг буна ҹавам олараг Иран Ислам Республикасынын мүтәнасиб вә тәсирли тәдбири илә үзләшәҹәк.”
Британија Теһрандакы сәфирлијинин мүвәггәти ишләр вәкили вәзијјәти өлкәсинә чатдыраҹағыны билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!