Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Иран Ислам
Республикасы Хариҹи Ишләр Назирлијинин сөзчүсү Франса һөкумәтинә Иран вәтәндашлары
вә рәсмиләринә гаршы террор актлары төрәдән гатилләри дәстәкләмәк вә онлара ев саһиблији
етмәк јанашмасыны давам етдирилмәсинин сијаси вә һүгуги нәтиҹәләри барәдә хәбәрдарлыг
едиб.
Насир Кәнани Франсанын бу өлкәдәки сијаси-иҹтимаи наразылыглар вә халг етиразлары илә ејни заманда, мүнафигләр адлы террорчу фиргәнин топлантысына ев саһиблији етмәсини Франса һөкумәтинин өз вәтәндашларынын тәләбләринә биҝанә галмасынын вә террорчу груплара сијаси дәстәјин давам етдирилмәсинин нәтиҹәси һесаб едиб вә буну гәти шәкилдә писләјиб.
Иран Ислам Республикасы Хариҹи Ишләр Назирлијинин сөзчүсү гејд едиб:
“Франса дөвләт хадимләри кечмишин кобуд сәһвләрини компенсасија етмәк әвәзинә, Иран халгынын гатилләринә дәстәк верирләр. Онлар Франсанын дәрин дахили проблемләрини вә бөһраныны көкүндән һәлл етмәјә, Франса вәтәндашларына гаршы ајры-сечкилији вә иргчи рәфтары дүзәлтмәк әвәзинә, террорчуларын топлашмасы үчүн арена вә мејдан тәмин едирләр. Елә бил һалда буну едурләр ки, бу јахынларда террорчуларын Албанијадакы галмагалынын ҝурултусу бүтүн дүнјанын гулағына чатыб.”
Насир Кәнани, Франса һөкумәтинин террорчулара ев саһиблији етмәјинин сијаси вә һүгуги нәтиҹәләри барәдә хәбәрдарлыг едәрәк, вурғулајыб: “Сарсыдыҹы вә дәһшәтли ҹинајәтләр төрәдәрәк вәтәнинә, милләтинә хәјанәт етмиш террорчулар мүтләг хариҹи һавадарларына да хәјанәт етмәкдән чәкинмәјәҹәкләр. Бу бахымдан террорчуларын һавадарлары нәинки онларын гаршысыны алаҹаг, һәтта бу јанғын төрәдәнләрин әмәлләринин түстүсү онларын өз ҝөзләрини чыхараҹагдыр.”
Дипломатик гурумун сөзчүсү әлавә едиб:“Франса дөвләт хадимләринә башга өлкәләрин дахилиндә террор вә хаос јаратмаг үчүн бу ҹүр террор груплашмаларына дәстәк вермәкдәнсә, франсыз халгынын истәкләринә диггәт јетирмәји төвсијә едирик.”
Диггәт: Хәбәрдән Истифадә Етдикдә Мәнбәјә Истинад Лазымдыр!