Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Шиәшүнаслыг
факүлтәсинин тәшкилатчылығы, Ислам Елмләри вә Мәдәнијјәти Елми-Тәдгигат Институту
вә Үмумдүнја Әһли-Бејт Ассамблејасынын иштиракы илә “Ислам тарихи вә мәзһәбләринә
әсасланараг Ислам сивилизасијасы вә мәдәнијјәти мүстәвисиндә Гәдир-хум Һадисәси”
адлы конфранс 06 Ијул Ҹүмә ахшамы ҝүнү Динләр вә Мәзһәбләр Университетиндә шәхси
вә виртуал-санал олараг реаллашдырылаҹаг.
Конфрансын ачылышы ҹүмә ахшамы саат 8:00-дан 10:00-а гәдәр Ајәтуллаһ Сүбһанинин бәјанатынын охунушу вә Һөҹҹәтүл Ислам Сејид Әбүлһәсән Нәвваб, Доктор Мәһәммәд Тәги Собһани вә Доктор Нәҹәф Ләкзаинин чыхышы илә кечириләҹәк.
Һәмчинин, бу конфрансын ихтисаслашмыш комиссијалары елми әсәр саһибләринин иштиракы вә тәгдиматы илә саат 10-дан 12-дәк ашағыдакы үч истигамәт үзрә кечириләҹәк:
1. Гәдир-хум һадисәсинин Ихтисаслашдырылмыш Тарих Комиссијасы
2. Гәдир-хум һадисәсинин Шиә мәзһәбләри үзрә ихтисаслашмыш комиссијасы
3. Сүнни мәзһәбләри үзрә Гәдир-хум һадисәсинин ихтисаслашмыш комиссијасы
Гејд едәк ки, конфрансда иштирак едәнләрә конфрансда иштирак сертификаты вериләҹәк вә ихтисаслашмыш комиссијалар кечирилдикдән сонра конфрансын бағланышы саат 13:30-дан 15-дәк Динләр вә Мәзһәбләр Университетинин нүмајәндәләринин иштиракы илә баш тутаҹаг. Ислам Елмләри вә Мәдәнијјәти Институту вә Үмумдүнја Әһли-Бејт (ә) Ассамблејасы исә, ән јахшы әсәрләрин саһибләрини мүкафатландыраҹаглар.
Диггәт: Хәбәрдән Истифадә Етдикдә Мәнбәјә Истинад Лазымдыр!