Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Үмумдүнја
Әһли-Бејт (ә) Ассамблејасы бәјанат јајараг, алчаг инсанларын Мүсәлманларын мүгәддәс
китабыны јандырмаг кими мәнфур һәрәкәтини писләјәрәк, Исвеч режиминин бу тәһгирамиз
һәрәкәтә лисензија верилмәси илә бағлы рүсвајчы һәрәкәтини гәтијјәтлә писләјиб вә
дүнјанын бүтүн азадлыгпәрәстләрини вә тәкаллаһлыларыны мүсәлманлары тәһгир
етмәк кими чиркин сијасәтә гаршы чыхараг, онлары мүсәлманларын јанында олмаға
вә мүсәлманларла бирҝә бүтүн Исламофобија мәгсәди илә һәјата кечирилән, дүнјаны
ҝүвәнсиз етмәк, екстремизми ҝүҹләндирмәк вә дүнјада зоракылығы тәблиғ едән
мәнфур әмәлләрин тәкрарланмасына гаршы гәтијјәтлә мүбаризә апармаға сәсләјиб.
Үмумдүнја Әһли-Бејт (ә) Ассамблејасынын бәјанатынын там мәтни:
Бисмилләһир Раһмәнир Раһим
“Онлар Аллаһын нуруну (Ислам динини) өз ағызлары (өз ифтиралары вә шәр сөзләри) илә сөндүрмәк истәјирләр. Аллаһ исә - кафирләрин хошуна ҝәлмәсә дә, өз нуруну (динини) тамамлајаҹагдыр.”
(Гуран, әс-Сафф сурәси, 8-ҹи ајә)
Онлар Аллаһын нуруну өз ағызлары илә сөндүрмәк истәјирләр вә Аллаһ нуруну тамамлајандыр. Һәрчәнд ки, кафирләриин хошуна ҝетмәсә белә. Бир даһа дүнја мүсәлманларынын мүгәддәс китабыны јандырмагда алчаг инсанларын шәрәфсиз вә ијрәнҹ һәрәкәти бүтүн дүнјадакы милјардлыг мүсәлман ҹәмијјәтинин дујғуларыны инҹитмиш, вә онларын икраһ, гәзәб вә нифрәтинә сәбәб олмушдур.
Тәәссүфләр олсун ки, инсан тәбиәтинә зидд вә инсан һүгугларына зидд олан бу әсассыз аддым инсан һүгугларына һөрмәт етдијини иддиа едән Исвечдә артыг бир нечә дәфә баш вериб.
Ејни заманда, һәр дөвр вә әсрдә, һәр јер вә һәр бир мәканда инсанлары доғру һәјат јолуна вә бәшәријјәти сәадәт јолуна јөнәлдән салеһ әмәл, месаж вә тәлимләри олан Аллаһын нурлу кәламларынын ҝүндән-ҝүнә парлаг вә ҝетдикҹә артан нуру, бүтүн дүнјада мәнәвијјат, әхлаг вә төвһидлә марагланан инсанларын гәлбини ҝүндән-ҝүнә даһа чох һагга доғру ҹәлб едир.
Глобал ҹинајәткар тәкәббүр вә бејнәлхалг ҹинајәткар сионизм бу һәгигәти дәрк етмир вә бу сәбәбдән даима һагг һәрәкатынын истигамәтини дәјишмәјә вә Илаһи вәди јеринә јетирмәјә чалышырлар.
2 милјарда јахын мүсәлманын гәлбинин Вәһј евинә вә Бејтуллаһул-Һарама јөнәлдији Ибраһими һәҹҹин мүбарәк ҝүнләриндә, милјонларла мүсәлманын иштирак етдији мөһтәшәм Һәҹҹ Гурултајынын “Ләббејк Аллаһуммә Ләббејк'' чағырышы илә кечирилилдији бир вахтда јенә дә глобал ганичән тәкәббүр, мәкрли вә фитнәкар бејнәлхалг сионизм, онлара табе олан шејтани груплашмалар, “ифадә азадлығынын јүксәк дәјәрини” бәһанә едәрәк Исламын мүгәддәс Сәмави китабы олан Гуран кәримин бир нүсхәсини јандырдылар. Исвеч һөкумәтинин белә бир топлантыја иҹазә верилмәси вә бу ијрәнҹ әмәли һәјата кечирмәси илә бағлы вердији ахмаг вә шәрәфсиз гәрары онларын ифадә азадлығы бәһанәси илә нифрәт долу тәкәббүрлү характериндән ирәли ҝәлир. Бу шиддәтлә гынанан бир һәрәкәтдир.
Үмумдүнја Әһли-Бејт (ә) Ассамблејасы Исвечин бу тәһгирамиз һәрәкәтә лисензија верилмәси илә бағлы рүсвајчы һәрәкәтини шиддәтлә гынајыр вә дүнјанын бүтүн азадлыгпәрәстләрини вә тәкаллаһлыларыны мүсәлманлары тәһгир етмәк кими чиркин сијасәтә гаршы чыхараг, онлары мүсәлманларын јанында олмаға чағырыр вә Исламофобија мәгсәди илә һәјата кечирилән, дүнјаны ҝүвәнсиз етмәк, екстремизми ҝүҹләндирмәк вә дүнјада зоракылығы тәблиғ едән мәнфур әмәлләрин тәкрарланмасына гаршы гәтијјәтлә мүбаризә апармағын зәрурилијини вурғулајыр.
Үмумдүнја Әһли-Бејт (ә) Ассамблејасы бир даһа Исвеч дөвләт органларына хәбәрдарлыг едир ки, јүксәк ифадә азадлығы анлајышындан суистифадә едәрәк Илаһи динләрин давамчыларынын мәдәнијјәтинә гаршы зидд һәрәкәтләрины, онларын мүгәддәс атрибутларына вә дәјәрләринә гаршы налајиг вә тәһгиредиҹи һәрәкәтләрә сон гојсунлар. Башгаларынын мүгәддәс сандыглары атрибутларына, инанҹларына вә инсан һүгугларына һөрмәтлә јанашмагда өз ҹидди мәсулијјәтләрини дәрк етсинләр. Исвеч дөвләти бу ҹүр анти-мәдәни вә гејри-инсани ҹәрәјанларын баш вермәсинин вә давам етмәсинин гаршысыны алмалы, анти-инсани һәрәкатлара, иргчи нифрәтин јајылмасына гаршы дурмаг үчүн үзәринә дүшән вәзифәләри лајигинҹә јеринә јетирмәлидир.
Үмумдүнја Әһли-Бејт (ә) Ассамблејасы бүтүн бејнәлхалг гурумлары вә тәшкилатлары өз миссија вә вәзифәләринә әсасланараг, бәшәр ҹәмијјәтләри арасында динҹ јанашы јашама платформасынын инкишафы вә мөһкәмләнмәсинә көмәклик ҝөстәрмәјә сәј ҝөстәрмәјә чағырыр. Инсанларын әгидәсини тәһриф едән, инсанлар арасында ҝәрҝинлијә, сарсынтылара, ихтилафлара вә нифрәтә сәбәб олан, бәшәр ҹәмијјәтләриндә анормаллыгларын јаранмасына вә ҝенишләнмәсинә ҝәтириб чыхаран һәр һансы бир һәрәкәт вә аддымлардан чәкинмәлидирләр ки, миссијаларын әксинә олараг өз вәзифәләрини јеринә јетирмиш олмасынлар.
Үмумдүнја Әһли-Бејт (ә.с) Ассамблејасы Гурани-Кәрим саһәсиндәки чалышан инсанлара, мөминләрә, башда Гәрб өлкәләри олмагла бүтүн дүнја мүсәлманларына, еләҹә дә һәгигәт ардынҹа оланлара вә дүнјанын азадлыгсевәрләринә сәсләнир:
- Өзүнүзү тәмкинлә сахлајараг сојугганлылығынызы горумаға чалышын, зоракы һәрәкәтләрдән чәкинин вә Гурани-Кәримин али һөкм вә тәлимләринә әмәл етмәклә, бу сәмави китабын әмрләринин јеринә јетирилмәсини вә онун һәјатдакы тәсирләрини ән ҝөзәл шәкилдә ҝөстәрин.
-Бәјанат вермәк кими мүхтәлиф јолларла иҹтимаи рәји маарифләндирмәк, мәлуматландырмаг, онларын диггәтини бирҝәјашајышын инкишаф етдирилмәсинин ҹидди мәсулијјәтинә ҹәлб етмәк үчүн чохсајлы конфранс вә ҝөрүшләр кечирин. Мәмурларла, зијалыларла, мүтәфәккирләрлә ҝөрүшүб сөһбәт един. Башгаларынын һүгугларына һөрмәт един вә онларын мүгәддәс сајдыглары атрибутлара, дини дәјәрләринә тәһгир етмәк кими нифрәт долу давранышларын гаршысыны алын. Инсан ҹәмијјәтләриндә мәнәвијјат, әхлаг вә инсанлығы тәблиғ един.
Салам Олсун Һидајәт Јолунун Давамчыларына
Үмүмдүнја Әһли-Бејт (ә) Ассамблејасынын
Иҹтимаијјәтлә Әлагәләр Шөбәси
Диггәт: Хәбәрдән Истифадә Етдикдә Мәнбәјә Истинад Лазымдыр!