Чәршәнбә ахшамы Дағыстан Республикасынын Дәрбәнд шәһәриндәки Ҹүмә мәсҹидинә сәфәри заманы Путин дејиб: “Русија Федерасијасынын һәм Конститусијасына, һәм дә Ҹинајәт Мәҹәлләсинин 282-ҹи маддәсинә әсасән динләрә һөрмәтсизлик вә нифаг салмаг ҹинајәтдир вә биз һәмишә ганунлара һөрмәтлә јанашмышыг”.
Сәфәр заманы Путинә Гуран һәдијјә едилиб вә о, Гураны ҝөтүрдүкдән сонра дејиб. “Русија Гурана вә мүсәлманларын дини һиссләринә бөјүк һөрмәтлә јанашыр вә бу мүгәддәс китаба һөрмәтсизлик биздә ҹинајәт сајылыр. Лакин бу, бүтүн өлкәләрдә белә дејил”.
Исвечдә анти-исламчыларын Исламын мүгәддәс китабы Гурани-Кәримин бир нүсхәсини јандырдыглары аксија бүтүн дүнја мүсәлманларыны гәзәбләндириб.
Бунунла бағлы, Иран Хариҹи Ишләр Назирлијинин сөзчүсү Насир Кәнани ҹүмә ахшамы Исвечин анти-исламчылара Гурани-Кәримә тәһгири тәкрарламаг үчүн вердији иҹазә вә јашыл ишыга ҹаваб олараг дејиб: Хүсусилә Ислам үммәтинин мүгәддәс ҝүнләри вә һәмчинин милјонларла мүсәлманын Үмумдүнја Һәҹҹ Конгресинә топлашмасы илә ејни вахтда сәмави мүгәддәсликләрә гаршы Тәһгирин тәкрарланмасы үчүн зәмин јаратмаг тәхрибатчы, дүшүнүлмәмиш вә гәбуледилмәз бир һәрәкәтдир.
342/