Кечмиш сәфир һәмин шәрһдә јазыр ки, ҹәнаб Рәиси илә Ермәнистанын баш назири Никол Пашинјан арасында телефон данышығы, еләҹә дә хариҹи ишләр назири Әмир-Абдуллаһијан вә онун азәрбајҹанлы һәмкары Ҹејһун Бајрамов арасында телефон данышығы гоншуларла әмәкдашлығы инкишаф етдирмәк үчүн 13-ҹү һөкумәтин сијасәти чәрчивәсиндәдир. Әслиндә, бу тәмаслар ону ҝөстәрир ки, гоншулуг сијасәти Иран үчүн узунмүддәтли стратежи јанашмадыр вә гысамүддәтли тактики аддым кими гәбул едилмәмәлидир.
Мөһсүн Пакајин гејд едиб ки, Иранла Азәрбајҹан арасында фикир ајрылыгларыны азалтмаг вә мөвҹуд вәзијјәтдән чыхыш јолларыны тапмаг рәсми Теһранын ҝүндәминдәдир. Хариҹи ишләр назирләринин тәмаслары да ону ҝөстәрир ки, фикир ајрылыгларынын һәлли үчүн дипломатик јол активләшир вә Азәрбајҹан һөкумәти дә бу јолу ачыг сахламалы олдуғу гәнаәтинә ҝәлиб.
“Бу тәдбирләр Иран вә онун гоншулары арасында мүнасибәтләрдә мүсбәт һал кими гијмәтләндирилмәлидир вә үмид едирик ки, бу тәмаслар Азәрбајҹанын Иранда сәфирлијинин өз ишини бәрпа етмәсинә сәбәб олаҹаг”, - дејә Пакајин вурғулајыб.
Сабиг дипломат ону да гејд едиб ки, Иран рәсмиләринин Азәрбајҹан вә Ермәнистан рәсмиләри илә телефон данышыглары Ҹәнуби Гафгаз реҝионунун һазыркы вәзијјәтиндә өнәмлидир вә Ислам Республикасы гоншуларынын әрази бүтөвлүјүнү дәстәкләјир. Бу ҝедишлә Дағлыг Гарабағын һәр бир рајону Азәрбајҹан Республикасына гајыдаҹаг вә Бакы ермәни вәтәндашларынын тәһлүкәсизлијини вә һүгугларыны тәмин едәҹәк. Ејни заманда, Ермәнистанын Сүник вилајәтиндән кечмәклә Нахчывана ҝедән јол бу өлкәнин суверенлији вә әрази бүтөвлүјү чәрчивәсиндә ачыла биләр. Бу тенденсијалар ону ҝөстәрир ки, Иран Ислам Республикасы бејнәлхалг стандартлар чәрчивәсиндә динҹ данышыглары дәстәкләјир.
342/