“Арменпресс”ин ЕР һөкумәтинин јајдығы мәлуматда билдирилир ки, баш назир гејд едиб ки, Ермәнистан-Русија мүнасибәтләринин ҝүндәлији долудур вә тәрәфләр 2020 ил 9-10 нојабр тарихли үчтәрәфли бәјанатын 9-ҹу бәндинин иҹрасы үзәриндә ишләјирләр.
“Билдијиниз кими, биз бу мүмкүн инфраструктурларын әразиләриндән кечдији тәрәфләрин суверенлији вә јурисдиксијасына әсасланараг, реҝионда бүтүн нәглијјат вә игтисади әлагәләрин ачылмасында вә блокдан чыхарылмасында мараглыјыг. Әминәм ки, биз бу ҝүн бәзи аспектләри мүзакирә едәҹәјик, бу мүнасибәтлә сизинлә ҝөрүшмәкдән мәмнунам”, - дејә баш назири Никол Пашинјан билдириб.
Тәрәфләр Ҹәнуби Гафгазда нәглијјат вә игтисади каналларын блокланмасы истигамәтиндә Ермәнистан, Русија вә Азәрбајҹан баш назирләринин мүавинләриндән ибарәт ишчи групу чәрчивәсиндә апарылан данышыгларын нәтиҹәләрини вурғулајыблар.
Бу контекстдә Никол Пашинјан вә Алексеј Оверчук дәмир јолу әлагәсинин бәрпасы, тәрәфләрин суверенлији вә јурисдиксијасына әсасланан сәрһәд вә ҝөмрүк нәзарәтинин һәјата кечирилмәси илә бағлы мәсәләләри мүзакирә едибләр.
Гејд едәк Азәрбајҹанын баш назиринин мүавини Шаһин Мустафајев Репорт.аз-а ачыгламасында билдирмишди ки, Нахчывана вәтәндашларын, нәглијјат васитәләринин вә јүкләрин манеәсиз кечирилмәсинин тәшкилинә нәзарәти Русија Федерал Тәһлүкәсизлик Хидмәтинин Сәрһәд Хидмәти һәјата кечирәҹәк.
342/