Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Түркијә президентинин
Азәрбајҹан аиләләринә 5 ушаг арзуламасы бирмәналы гаршыланмыр.
Бакыда сәфәрдә олан Түркијә президенти Рәҹәб Тәјјиб Әрдоған ијунун 13-дә Илһам Әлијевлә ҝөрүшдә өлкәдә әһалинин артымына тохунуб. О дејиб ки, Азәрбајҹанда әһалинин артымы үчүн һәр аиләдә беш ушаг олмасыны диләјир.
Игтисадчы Назим Бәјдәмирли бу тәкифә мүнасибәт билдирәрәк дејиб ки, Азәрбајҹанда рәсми муздлу чалышанларын сајы 1 милјон 700 мин нәфәрдир: "Онлардан јарысы мәһдуд әмәкһаггы алыр. Онун мәбләғи дә 450 маната гәдәрдир. Орта әмәкһаггы да рәсми олараг 900 манат ҹиварындадыр. Бу маашла беш ушаг сахламаг мүмкүн дејил. Азәрбајҹан ән чох борҹланан вәтәндашлара маликдир вә әһалинин 75 фаиздән јухарысынын ҝәлирләри јалныз гидаланмаға јетир".
Игтисадчынын сөзләринә ҝөрә, рәсмиләр Азәрбајҹаны "сосиал дөвләт" адландырмаларына рәғмән, дөвләт бүдҹәсинин бөјүк һиссәси мүдафиә, һүгуг-мүһафизә органларынын сахланылмасына ајрылыр: "Сосиал мүдафиә тәдбирләри илә бағлы вәзијјәт исә чох писдир".
Диггәт: Хәбәрдән Истифадә Етдикдә Мәнбәјә Истинад Лазымдыр!