Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Иран Ислам
Республикасынын Президентинин һәјат јолдашы Венесуела телевизијасы илә мүсаһибәдә
дејиб: “Иран мәдәнијјәти вә сивилизасијасы узун кечмишә маликдир вә Американын мејдана
ҝәлмәсинин јашы илә мүгајисәедиләси дејилдир.”
Ханым Ҹәмилә Әләмулһуда Венесуеланын “Телесур” адлы телевизија каналы илә мүсаһибәдә Гәрбин медиа имканлары илә ҝерчәклији дәјишдирмәк кими азғын ишләринә ишарә едәрәк дејиб: “Медиа диктатору бүтүн дүнјада, хүсусән дә Иранда, аиләләри мәһв етмәјә чалышыр. Билирсиниз ки, биз бир нечә миниллик сивилизасијаја маликик. Американын јашы, мәним ишләдијим университетдәки ағаҹларын јашындан белә аздыр. Елә буна ҝөрәдир ки, Американын етдији бүтүн ҹәһдләрә иранлыларын ҝүлмәји ҝәлир.”
Ханым Әләмулһуда сонра дејиб: “Билирсиниз ки, һәмишә һәр бир мәдәнијјәти горујан аиләдир. Өлкәмиз, Иран, мүхтәлиф әсрләрдә бир чох ишғалчыларын һүҹумларына мәруз галыб. Малик олдуғу чох хас стратежи мөвгејә ҝөрә даим мүхтәлиф өлкәләрин о ҹүмләдән ромалыларын, монголларын, әрәбләрин вә с. өлкәләрин ишғалчы сијасәтләри илә үзләшиб. Амма буна бахмајараг, һеч бир кәс торпагларымызы ишғал етдикдә белә бизим аилә принсипләрини горујан гәдим мәдәнијјәтимизи, дилимиз вә адәт-әнәнәләримизи дәјишә билмәјибдир.”
Иран Ислам Рспубликасы Президентинин һәјат јолдашы ханым Ҹәмилә Әләмулһуда әлавә едибләр: “Венесуелалы гадынларын хејли зијалы олдугларыны ҝөрдүкдә, чох севиндим. Онлар зијалы олдуглары һалда, аиләјә дә әһәмијјәт верирләр. Бу, мәнҹә, чох-чох мүһүм ортаг ҹәһәтдир. Гадынларын һүгугларынын тәрәфдары олан тәфәккүр ҹәрәјанлары аиләјә чох әһәмијјәт вермирләр. Даһа чох аиләдахили зоракылыглар барәдә бәһс едилир, һалбуки евдән кәнарда гадынлара гаршы мүтәшәккил зоракылыглар сон дәрәҹә кәскиндир...”
Диггәт: Хәбәрдән Истифадә Етдикдә Мәнбәјә Истинад Лазымдыр!